Reseı Federasııasynyń Sport mınıstri Oleg Matysınniń Táýelsiz Memleketter Dostastyǵyna múshe memleketterdiń elshilerimen kezdesti, dep habarlaıdy Egemen.kz
Qazaqstan Elshisi Ermek Kósherbaev osy kúzde TMD elderiniń Qazandaǵy alǵashqy oıyndaryn Dostastyqtyń qurylǵanyna 30 jyl tolýyna oraı ótkizýdiń mańyzdylyǵyna toqtalyp, Qazaqstannyń bul bastamany qoldaıtynyn atap ótti. Sonymen qatar, Ermek Kósherbaev 2021 jyly Qazaqstanda 40-tan astam sporttyq is-shara onyń ishinde 20-dan astamy halyqaralyq deńgeıde ótkizý josparlanǵanyn eske salyp, memleketterdi olarǵa belsendi qatysýǵa shaqyrdy.
O.Matysın óz sózinde eń basty nátıje barlyq taraptardyń betpe-bet kezdesýi bolǵanyn atap ótti jáne jáne sporttyq baǵdarlamalardy ázirleýdegi ashyq ózara árekettestigi úshin dostas memleketterge alǵys bildirdi.
Jalpy, kezdesýge qatysýshylar byltyrǵy pandemııalyq jaǵdaıdan keıin, aǵymdaǵy jyly belsendi sporttyq ómir burynǵy arnaǵa oralady degen úmitin bildirdi. Olar ótken kezdesýdi TMD keńistiginde sport salasyndaǵy yntymaqtastyqty jandandyrýdyń múmkindigi dep atady.
Kezdesý sheńberinde ýnıversıtettik jáne kásibı sport baǵdarlamalaryn damytý sheńberindegi sporttyq ózara árekettestikte ekijaqty jáne kópjaqty yntymaqtastyqty jalǵastyrý máseleleri de qaraldy.
Bastapqyda TMD elderiniń oıyndary 2020 jyldyń 20-27 tamyzynda Qazanda ótkizilýi tıis edi, biraq COVID-19 pandemııasyna baılanysty olar 2021 jyldyń 4-11 qyrkúıek aralyǵyna aýystyryldy. Is-sharanyń sporttyq baǵdarlamasy 16 sport túrinen turady. Sporttyq jarystardy ótkizý úshin 12 sport nysanyn iske qosý jáne 200-den astam medal jıyntyǵyn oınaý josparlanýda.