Týrıster úshin tartymdy qala

Basqarma basshysynyń aıtýynsha, qaladaǵy epıdemııalyq jaǵdaı jaqsaryp, karantındik rejim alyn­ǵan soń, qalaǵa keletin týrıster sa­nyn 2021 jyly 315 381-ge jet­kizý jos­­­­parlanýda. 2020 jyldyń qań­tar-qyrkúıek aralyǵyndaǵy statıs­tıkalyq kórsetkish boıynsha, res­pýb­lıkanyń ózge óńirlerimen salys­tyrǵanda Shymkent qalasyna týrıster kóbirek kelgen.

Máselen, respýblıka deńgeıin­de­gi alǵashqy ondyqqa kirgen kelýshi tý­rıs­terdiń sany boıynsha Nur-Sul­tan qalasy – 57,3%-ǵa, Almaty qa­la­sy – 48,1%-ǵa, Almaty oblysy – 43,8%-ǵa, Shyǵys Qazaqstan oblysy – 45,1%-ǵa, Aqmola oblysy – 44,3%-ǵa, Qaraǵandy oblysy – 40%-ǵa, Mańǵystaý oblysy – 39,7%-ǵa, Qostanaı oblysy – 42,8%-ǵa, Túrkistan oblysy – 47,7%-ǵa, Shymkent qalasy 33,8%-ǵa tómendegen.

Týrıstik ınfraqurylymdy damytý boıynsha bıyl Shymkentte bir­qatar jumys atqarylmaq. Atap aıt­qan­da «Kóne shahar» aýmaǵyn damytý bo­­ıynsha jumys tobyn qurý, egjeı-teg­jeıli joba daıyndaý, Saıram tur­­ǵyn alabyndaǵy tarıhı-kıeli nysandar­­dy tolyq abattandyrý, Saıram turǵyn alabyn Qazaqstandaǵy «TOP-50» týrıstik kartasyna engizý, «Abaı» saıabaǵy aýmaǵynda «U: Dacha» jobasyn iske asyrý, týrıstik aýmaq­tar­ǵa baǵyttaıtyn jańa nysan pasport­ta­ryn jáne jolsiltegishterin orna­tý, jol boıyndaǵy servısti jaq­sar­tý jáne ınfraqurylymdy damytý, sa­nı­tarlyq-gıgıenalyq oryn­dar­dyń jaǵ­daıy men sapasyn arttyrý jumys­tary júrgiziledi.

Sonymen qatar 2021 jyly qyz­met kórsetý sapasyn arttyrý, týrıstik sala ókilderine semınar-trenıng ót­kizý, týrıstik operatorlar, blogerler jáne BAQ ókilderine arnalǵan týrlar, marketıngtik is-sharalar uıymdas­tyrý josparlanýda. Basqarma basshysy 2021 jyly SHYMKENT TOURISM CENTER týrıstik aqparattyq or­ta­lyq qyzmetin odan ári jandandyrý ba­ǵytynda týrıstik HAB ashý, jańa tý­rıstik baǵyttaǵy merekelik is-shara­lar boıynsha jáne aldaǵy ýaqytta qol­ǵa alynatyn jobalaryn jetkizdi.