Kókshetaýda taǵy bir otbasy baspanaly boldy. Oblys ortalyǵyndaǵy Naýan haziret atyndaǵy ortalyq meshit pen «Zeket» korporatıvtik qaıyrymdylyq qory «El úlesi – páterge!» jobasy aıasynda qala turǵyny Nurlan Ábenulyna eki bólmeli páterdiń kiltin tabys etti.
О́zi de ózgege janashyrlyq jasaýǵa umtylyp turatyn ımam Nurlan Ábenulynyń otbasy úshin aq túıeniń qarny jarylǵan kún boldy. Alty birdeı perzentin tárbıelep otyrǵan ata-ana baspanaly bolǵan sátinde aq alǵystaryn jaýdyryp, rızashylyqtaryn bildirdi.
О́ńirde jaqsylyq sharapatymen talaı jannyń alǵysyn ıelenip kele jatqan bul joba boıynsha búginge deıin 15 otbasy jaıly pátermen qamtylyp otyr. Qazaqstan musylmandary dinı basqarmasynyń Aqmola oblysyndaǵy ókil ımamy Qýanysh Sábıttiń aıtýyna qaraǵanda, sharapaty mol joba aıasynda elimiz boıynsha búginge deıin muqtaj adamdarǵa 349 páter syılanǵan eken. Igi bastama aldaǵy ýaqytta da jalǵasyn tappaq.
KО́KShETAÝ