Bokstan Tokıo Olımpıadasyna joldama beretin sońǵy irikteý kezeńi ótkizilmeıtin boldy. Halyqaralyq Olımpıada komıtetiniń mundaı sheshimdi qabyldaýyna sportshylardyń densaýlyǵy men qaýipsizdigin saqtaý máselesi sebep bolǵan.
Qazaqstannyń Ulttyq Olımpıada komıteti málimdegendeı, HOK koronavırýsty ınfeksııaǵa qatysty álemdegi ahýaldy eskere otyryp, aımaqtyq irikteý týrnırlerinen bólek joldamany reıtıng arqyly úlestirýdi jón sanaǵan. Osylaısha, 2021 jyldyń maýsymyna josparlanǵan Parıjdegi álemdik irikteý týrnıri ótkizilmeıtin boldy.
Atalǵan jarysta erler – 32, áıelder 21 joldamany sarapqa salýy tıis bolatyn. Endi qalǵan joldamalar olımpıadalyq salmaqtar boıynsha boksshylardyń reıtıngterine qarap tórt qurlyqqa teń bólinedi. Bokstan Qazaqstan áıelder komandasynyń enshisinde bir ǵana joldama bar ekenin aıta keteıik.