Almaty polısııasy ınternet alaıaqtardyń turǵyndardy aldaý tásilderi týraly aıtty, dep habarlaıdy Polisia.kz.
№1 ádis
Siz qosymshada talap etilgendeı uıaly telefonyńyzdy jáne basqalaryn kórsete otyryp, ónimdi satýdy jáne tanymal resýrstardyń habarlandyrý taqtasyna ornalastyrýdy josparlap otyrsyz. Alaıaq siz habarlandyrýda kórsetken uıaly telefon nómirine qońyraý shalady nemese jazady, ózin áleýetti klıent retinde tanystyrady jáne sizdiń ónimińizdi satyp alǵysy keletindigin habarlaıdy, hat almasyp, TAÝARDY JEKE KELIP, ALYP KETE ALMAITYNDYǴYN TÚSINDIREDI. Keıinnen ol sizden ózi jibergen silteme boıynsha ótýińizdi suraıdy (ol osy ónim úshin tólem jasalady dep sendiredi). Sodan keıin siz osy siltemege ótesiz, sizdiń mobıldi qurylǵyńyzǵa qashyqtan qol jetkizýge arnalǵan baǵdarlamalyq jasaqtama ornatylady, sodan keıin alaıaq sizdiń mobıldi qurylǵyńyzǵa tolyq qol jetkize alady, ıaǵnı ol sizdiń ınternet-bankıngińizdi kóredi (siz ózińizdiń telefonyńyz alaıaqtyń qolynda dep oılasańyz bolady) jáne sizdiń barlyq jınaq aqshańyz jalǵan shottarǵa aýdarylady.
№2 ádis
Alaıaq siz habarlamada kórsetken uıaly telefon nómirine “Whatsapp” messendjeri arqyly qońyraý shalyp nemese jazady, ózin áleýetti klıent retinde tanystyrady jáne ol sizdiń ónimińizdi satyp alǵysy keletinin habarlaıdy, hat almasyp, TAÝARDY JEKE ALA ALMAITYNDYǴYN túsindiredi. Sodan keıin ol sizden ózi jiberetin siltemege (osyǵan sáıkes, taýarlardy jetkizý júzege asyrylady) ótýińizdi suraıdy. Ári qaraı, siz satyp alýshynyń derekterin (tolyq aty-jóni, jetkizilim meken-jaıy, uıaly telefon nómiri) toltyrý qajet siltemege ótesiz, sondaı-aq, kartańyzdyń málimetterin (kartanyń nómiri, jaramdylyq merzimi jáne CVV kody) toltyrýyńyz kerek, jetkizýdi nemese tólemdi júzege asyrý úshin, sodan keıin nysanda kórsetilgen somma sizdiń kartańyzdan alaıaqtyń shotyna aýdarylady.
№3 ádis
Alaıaq siz habarlandyrýda kórsetken uıaly telefon nómirine qońyraý shalady nemese jazady, ózin áleýetti klıent retinde tanystyrady jáne ol sizdiń ónimińizdi satyp alý nıeti bar ekenin habarlaıdy jáne hat almasady, JEKE KELIP TAÝARDY ALYP KETE ALMAITYNDYǴYN AITADY, BIRAQ KÝRER NEMESE TAKSI ARQYLY JIBERÝIŃIZDI SURAIDY. Sodan keıin ol sizdiń jeke derekterińizdi (aty-jóni, JSN, kartanyń nómiri, IBAN shoty) jiberýdi suraıdy jáne aqsha kartaǵa jiberetinin aıtady. Osydan keıin sizdiń esebińizge taýarlar úshin qarajat túsedi, biraq is júzinde qaskóı sizdiń jeke málimetterińizdi bilip, sizdiń atyńyzǵa birneshe shaǵyn nesıelik uıymdardan nesıe rásimdeıdi. Alynǵan somma taýarlarǵa arnalǵan sommadan asyp túsedi jáne alaıaq ony qate jibergenin túsindirip, qarajatty basqa kartaǵa nemese abonenttik nómirge salyp jiberýin suraıdy. Sodan keıin sizge kýrer kelip, taýarlardy alyp ketedi. Birneshe aıdan keıin siz mıkrokredıttik uıymnan nesıeni keshiktirý týraly habarlama alasyz.