Qazaqstannyń Birikken Arab Ámirlikterindegi Elshiliginiń qoldaýymen azyq-túlik qaýipsizdigi jónindegi Islam Uıymynyń Bas dırektory Erlana Baıdaýlettiń Birikken Arab Ámirlikteriniń resmı jáne jeke sektorymen birqatar ekijaqty kezdesýler uıymdastyryldy, dep habarlaıdy Egemen.kz.
Atap aıtqanda, 2021 jylǵy 14-17 aqpan aralyǵynda E.Baıdáýlet BAÁ sý jáne azyq-túlik qaýipsizdigi mınıstri Marııam Ál-Mýheırımen jáne klımattyń ózgerýi jáne qorshaǵan orta mınıstri Abdýlla ál-Nýeımımen ekijaqty kezdesýler ótkizip, AQIU alańynda ózara is-qımyldy nyǵaıtý máselelerin talqylady.
Sonymen qatar, qazaqstandyq delegasııa «Jenaan Investment», «Al Dahra Holding», «National Feedand Flour Production and marketing co» sııaqty «UAE Food Security Alliance» quramyna kiretin «Essa Al Ghurair Investments» LLC» sekildi BAÁ-niń jetekshi kompanııalarymen nátıjeli kezdesýler ótkizdi jáne t.b. Ámirlikterdegi seriktesterge AQIU enshiles uıymy Azyq-túlik ónerkásibi Islam qaýymdastyǵymen ózara is-qımyldyń túrli nusqalary usynyldy.
Sapar baǵdarlamasy aıasynda AQIU Bas dırektory «Fish Farm» (Dýbaı q.) kompanııasynyń balyq fermasy, «Elite Agro UAE L.L.C» kompanııasynyń fermasy men jylyjaıy jáne «Marmum» (Ál-Aın q.) sút fermasyn qosa alǵanda, negizgi aýyl sharýashylyǵy obektileriniń qyzmetimen tanysty.