Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy Qazaqstan Respýblıkasy Táýelsizdiginiń 30-jyldyǵy qarsańynda halyqaralyq deńgeıdegi tematıkalyq konferensııalar toptamasyn iske qosty, dep habarlaıdy Egemen.kz.
Búgin «PeaceTalks» dıskýssııa alańy sheńberinde «Dinı lıderlerdiń turaqty álem damýyna qol jetkizýdegi róli» taqyrybyndaǵy osy jylǵy alǵashqy halyqaralyq onlaın-konferensııasy ótti.
Is-shara jumysyna Qazaqstan memlekettik organdary men dinı birlestik ókilderi, Álemdik jáne dástúrli dinder lıderleriniń sezi Hatshylyǵynyń músheleri, aldyńǵy qatarly sheteldik sarapshylar jáne Saýd Arabııasy Koroldigi, Mysyr Arab Respýblıkasy, Vatıkan, Úndistan, Ulybrıtanııa, Reseı Federasııasy, О́zbekstan men Iran Islam Respýblıkasy halyqaralyq uıymdarynyń jetekshi spıkerleri qatysty.
Onlaın-konferensııany ashý barysynda QR Aqparat jáne qoǵamdyq damý vıse-mınıstri Marat Ázilhanov qatysýshylarǵa Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń jańa Basqarma Tóraǵasy Sársenbaev Býlat Serǵazyulyn tanystyryp ótti.
О́z sózinde vıse-mınıstr beıbitshilik pen kelisim úshin mańyzdy jaǵdaı dinı kóshbasshylardyń oryn isterin birlestirý, olardyń bir-birimen shynaıy qarym-qatynasy jáne konstrýktıvti áreketterdegi qoldaýlary ekendigin ereksheledi.
О́z kezeginde, Basqarma Tóraǵasy Býlat Sársenbaev onlaın-konferensııanyń ashylýynda búgin bizdiń ǵalamsharymyzda órkenıetterdiń qaýipsizdigi men úılesimi qatar ómir súrý arhıtektýrasyn qurý jáne damytýdyń jahandyq bolashaǵyna qatysty túrli kózqarastarymen almasý múmkindigimiz bar ekendigin aıtyp ótti.
«Qazirgi zaman syn-qaterleri qaýipsizdik pen damýdyń jańa paradıgmalaryn qurýdy talap etedi. Onyń negizinde seriktestik, ózara syılastyq, toleranttyq jáne ózara túsinýshilik ustanymdary bolý kerek. Álemdik jáne dástúrli dinder lıderleriniń sezi biregeı alań bola tura, ózin dinı kóshbasshylar ókilderi arasynda dıalogty jyljytýdaǵy yqpaldy platformasy retinde tanystyrdy. Endi bul qaǵıdalardyń barlyq jerde ortaq bolýy mańyzdy», – dedi moderator.
Halyqaralyq spıkerler Álemdik jáne dástúrli dinder lıderleriniń Sezi aıasynda álemdegi dinder men mádenıetaralyq dıalogty ilgeriletýdegi Qazaqstan Respýblıkasynyń aıryqsha rólin atap ótti. Haled Akashe, Papalyq Keńestiń ıslam isteri boıynsha bıýrosynyń basshysy jáne Mýhammed Mehdı Tashırı, Iran Islam Respýblıkasy Dinaralyq dıalog halyqaralyq ortalyǵynyń Tóraǵasy qazirgi jahandaný zamanyndaǵy shyndyqtar tek din lıderleriniń ǵana emes, sonymen qatar memleket basshylarynyń tujyrymdamalary men is-áreketterine de baılanysty degen ortaq pikirge keldi.
О́zekti suraqtardy talqylaýdy jalǵastyra sarapshylar álemdik jáne dástúrli dinderdiń jahandyq dıalogyn damytýdaǵy memleketterdiń halyqaralyq bastamalar mańyzdylyǵyna toqtaldy. Reseı-arab zertteý jáne aqparat ortalyǵynyń Tóraǵasy Madjıd Abdýlazız at-Týrkı jáne Dorkıng qalasy Aǵylshyn shirkeýiniń ókili Djo Beılı Ýells qatysýshylardy óshpendilik pen tózbeýshilik sebebinen paıda bolǵan zorlyq oqıǵalaryn boldyrmaý jáne myzǵymas turaqtylyqqa jetýdegi álemdik qaýymdastyqtyń belsendi áreketterine barynsha qoldaý kórsetýge shaqyrdy.
Spıkerler pandemııa zardaptaryna qaramastan dinaralyq qarym-qatynastardy kúsheıtýde memleketter qoldaý kórsetip, rýhanı qundylyqtardy nasıhattaýda óziniń fýndamentaldyq jáne tájirıbelik úlesin engizý qajettilikteri týraly oılarymen bólisti. Osyǵan baılanysty, «Somaııa Vıdıavıhar» úndi uıymynyń ókili, Rýdraksha Sakrıkar álemde dinaralyq dıalogty kúsheıtý jáne ony ári qaraı damytý dinı kóshbasshylardyń basty mıssııasy ekendigine konferensııa qatysýshylarynyń nazaryn aýdardy.
Halyqaralyq onlaın-konferensııanyń qorytyndysy boıynsha qatysýshylar dinaralyq dıalogty nyǵaıtý suraqtary boıynsha bolashaqtaǵy jemisti seriktestikti, «PeaceTalks» dıskýssııalyq alańynyń sheginde tájirıbelik usynystardy ázirleý týraly kelisimge qol jetkizdi.