Qazaqstan Elshiligi «Qazaqstan Ǵarysh Sapary» UK» AQ men Lıtva aeroǵaryshtyq klasteri arasynda beınekonferensııa formatynda kelissózder uıymdastyrdy, dep habarlaıdy Egemen.kz.
NanoAvionics (nanospýtnıkterdi jasaý jáne ushyrý), Geomatrix (ǵaryshtyq túsirilimderdi avtomattandyrylǵan óńdeý), Black Swan (spýtnıkterdi baǵdarlamalyq qamtamasyz etý), Eksma Optics (lazerlik aspaptar), Astrolight (atmosferalyq optıkalyq jeliler) sııaqty kompanııalar jáne Lıtva Syrtqy ister mınıstrligi, Lıtva aeroǵarysh qaýymdastyǵy, Vılnıýs ýnıversıteti, Kaýnas tehnologııalyq ýnıversıteti jáne Lıtvanyń etnoǵaryshtyq mýzeıi Qazaqstanmen yntymaqtastyq týraly óz oılarymen bólisti.
Kelissózder barysynda taraptar ǵaryshtyq tehnologııalardy ázirleý jáne paıdalaný, kommersııalyq qyzmetterde seriktesý jónindegi birlesken jobalar máselelerin zerdeleý, sondaı-aq tájirıbe almasý jáne joǵary oqý oryndary arasynda baılanystar ornatý týraly ýaǵdalastyqtarǵa qol jetkizdi.