Mańǵystaý oblysy boıynsha QAJ departamentiniń qaýipsizdigi teris sıpattalatyn sottalǵandarmen tárbıelik-quqyqtyq jumystar qarqyndy túrde júrgizilýde, dep habarlaıdy Egemen.kz
Qazaqstan Respýblıkasy Ishki ister mınıstri bekitken Qylmystyq-atqarý júıesiniń jumysyn uıymdastyrýdy jetildirý jónindegi 2021 jylǵa arnalǵan keshendi is-sharalar josparynyń 14-tarmaǵyn iske asyrý maqsatynda, Mańǵystaý oblysy boıynsha QAJ departamentiniń qaýipsizdigi barynsha tómen mekemesinde teris sıpattalatyn sottalǵandarmen tárbıelik-quqyqtyq jumystar qarqyndy túrde júrgizilýde.
Tárbıeleý prosesiniń bir baǵyty mekemeniń psıhologymen sottalǵandar arasynda ártúrli trenıngter ótkizý bolyp tabylady. Osy turǵyda tárbıeleý jumysynda neǵurlym tıimdi nátıjelerge qol jetkizý, sottalǵannyń jeke basyn, onyń damýyn, jumys qabilettiligin baǵalaý, aınalasyndaǵy adamdarmen jáne otbasymen qarym-qatynasty jalǵastyrý maqsatynda, GM-172/8 mekemesine jańadan taǵaıyndalǵan psıholog-maman Ásel Amantaı mekemedegi óziniń jumysyn «Tulǵanyń ishki jáne syrtqy álemin tanýy» atty taqyrypta sottalǵandar arasynda trenıng uıymdastyrýdan bastady.
-Sottalǵandar arasynda trenıng ótkizý, birinshiden olardyń jeke damý deńgeıin arttyrady, ekinshiden, álsiz jáne kúshti qasıetterdi qalaı qabyldaý kerektigin úıretedi, úshinshiden, agressııa, shamadan tys tájirıbe deńgeıin tómendetedi. Trenıng kezinde ámbebap psıhologııalyq test bolyp tabylatyn «Art-terapııa» ıaǵnı, «úı-aǵash-adam» dıagnostıkalyq ádisi de keńinen qoldanylady. Bul ádis jeke portretke jaryq túsirý múmkindigin beretin mańyzdy aqparat kózi bolyp tabylady, deıdi mekeme psıhology Á.Amantaı.
Trenıng sońynda árbir sottalǵandar ózderiniń teris oılaryn oń oılarǵa ózgertip, búkil oqý prosesi úshin keri baılanys jasaıtynyn jasyrmady.
Trenıngtiń árbir bóligi kez-kelgen adam úshin ózin tulǵa retinde taný, qoǵamdaǵy mártebesin qalpyna keltirý, ótkendi tastap, durys ómir jolyna túsý jolyndaǵy mańyzdy qadam bolyp tabylatyny barshaǵa málim.