Qurylys sektoryn damytý boıynsha Qazaqstandaǵy jalǵyz memlekettik ınstıtýt «Qazaq qurylys jáne sáýlet ǵylymı-zertteý jáne jobalaý ınstıtýty» 2020 jylǵy jumys qorytyndylaryn shyǵarýdy jalǵastyrýda.
Tehnıkalyq retteý
2020 jyly Eýrokodtarǵa (Qurylystaǵy eýropalyq standarttar) tolyq kóshýge baılanysty jalpy qurylys máseleleri (josparlaý, ınjenerııa jáne t. b.), sondaı-aq esepteý jáne jobalaý boıynsha 256 QNjE joıyldy.
Qazaqstan Respýblıkasynyń qurylys erejeleri sııaqty Almaty qalasy úshin asa mańyzdy «Seısmıkalyq shaǵyn aýdandastyrýdy esepke ala otyryp, Almaty qalasynyń aýmaǵynda qurylys salý» normatıvtik qujaty ázirlenip, qabyldandy.
«Injenerlik kommýnıkasııalardy kóldeneń baǵyttalǵan burǵylaýmen tóseý» Qazaqstan Respýblıkasynyń qurylys erejeleri ázirlendi.
Uıymdardyń ótinishteri boıynsha ulttyq qosymshalary bar Eýrokodtardy qoldanýdy taldaý boıynsha jumys jalǵasýda (Eýrokodtar men ulttyq usynystardy, normatıvtik-tehnıkalyq quraldardy túzetý jónindegi usynystar ýákiletti organǵa qaraýǵa jáne bekitýge jiberildi).
Seısmıkaǵa tózimdi qurylys
2020 jyly ınstıtýt mamandary «Modex» zaýytynyń kólemdi bloktaryn Qazaqstan úshin biregeı synaýlardan ótkizdi. Kólemdi bloktardy paıdalaný Qazaqstannyń qurylys salasyn túbegeıli ózgertpek: kólemdi bloktardy paıdalana otyryp, 16 qabatty turǵyn úı salý úshin bar bolǵany 4 aı qajet bolady.
Sonymen qatar, 2020 jylǵy mańyzdy jobalardyń biri Almaty qalasynyń Zerdeli shaǵyn aýdanyndaǵy 31 turǵyn úıdi tehnıkalyq tekserýdiń aıaqtalýy bolyp tabylady. Qısaıǵan úılerdi túzeý boıynsha usynystar berildi, 2020 jyly 1/179-úıdiń tiktigin qalpyna keltirý júzege asyryldy. 2021 jyly jumystar jalǵasady dep josparlanýda.
62 arnaıy tehnıkalyq shart (ATSh) ázirlenip, tehnıkalyq jaı-kúıi týraly 257 qorytyndy berildi. 3 vıbrodınamıkalyq stendtik synaý ótkizildi.
«Instıtýt 2020 jyly Damý jospary boıynsha barlyq negizgi kórsetkishterge qol jetkizdi», Jaımbetov Marhabat Jaıymbetuly, Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy.