Nur-Sultan qalasynda jedel-izdestirý is-sharalaryn júrgizý kezinde Kóliktegi polısııa departamentiniń Esirtki qylmysyna qarsy is-qımyl basqarmasynyń qyzmetkerleri esirtki zattaryn zańsyz saqtaǵan jáne ótkizgen bir top adamdardy anyqtap, ustady.
Ustalǵandar elordanyń 36, 39, 40, 45 jáne 47 jastaǵy turǵyndary bolyp shyqty. Olardyń arasynda buryn birneshe ret aýyr nemese asa aýyr qylmystar jasaǵany úshin sotty bolǵandary da bar. Bul týraly Kóliktegi PD bastyǵynyń mindetin atqarýshy Saryqul Jolanov málimdedi.
Onyń aıtýynsha, tekserý barysynda olardan aqshyl-sarǵysh tústi zat tabylǵan. Saraptamaǵa sáıkes, tárkilengen zattyń jalpy salmaǵy 87 grammdy quraıtyn «geroın» esirtki zaty ekendigi belgili boldy.
«Kólik polıseıleri QR QK 296-babynyń 4-bóligi, ıaǵnı, asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jáne QR QK 297-babynyń 3-bóligi, ıaǵnı, esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý boıynsha sotqa deıingi tergeý júrgizdi. Nur-Cultan qalasynyń Mamandandyrylǵan aýdanaralyq tergeý sotynyń sheshimimen quqyqbuzýshylar atalǵan qylmysty jasaǵany úshin kináli dep tanylyp, 4 jyldan 11 jylǵa deıin bas bostandyqtarynan aıyryldy», dedi polısııa polkovnıgi.
Esterińizge sala keteıik, osy jyldyń basynan beri kólik polısııasy esirtki quraldarynyń zańsyz aınalymyna baılanysty 77 esirtki qylmysyn anyqtady, onyń ishinde 10 ótkizý faktisi, 2 asa iri kólemde saqtaý jáne 1 esirtki kontrabandasyn tasymaldaý.
Zańsyz aınalymnan 13 kg-nan asa túrli esirtki zattary tárkilendi.