Gazdyń eń tómengi ortasha quny Aqtóbe oblysynda. Munda kógildir otynnyń 1 tekshe metri 12 teńge turady. Bul - jalpy eldegi baǵadan (m3 úshin 23 teńge) eki ese tómen, dep habarlaıdy Egemen.kz.
Túrkistan oblysy men Shymkent qalasynda janarmaıdyń eń joǵary ortasha quny 1 m3 úshin 35 teńge. Odan keıingi orynda Almaty oblysy, onda 1 tekshe metr úshin baǵa 31 teńge.
Eldiń barlyq ónerkásip kásiporyndarynyń tabıǵı gazdy tutynýynyń jalpy kólemi 4,9 mlrd m3. Aqshalaı alǵanda gazdy tutyný shyǵystary 46 mlrd teńge.
О́nerkásiptik kásiporyndar tabıǵı gazdy Atyraý oblysynda eń kóp tutynady. Al Shyǵys Qazaqstan oblysynda eń az.
"ArselorMıttal Temirtaý" AQ jáne "Qazaqmys "korporasııasy" JShS gazǵa aýystyrý jobalary boıynsha 2022 jyldan bastap jylyna 384 mln. m3 kógildir otyn qajet bolady. 2030 jylǵa qaraı ol kóretkish jylyna 670 mln. m3 deıin artady. Bul jobalar "Saryarqa" magıstraldyq gaz qubyryn iske qosý aıasynda iske asyrylady.
20-dan astam jańa ınvestısııalyq joba boıynsha tabıǵı gazǵa degen jyldyq qajettilik mólsheri 2025 jylǵa qaraı 1,2 mlrd m3, 2030 jylǵa qaraı 1,5 mlrd m3 quraıdy.