Bıtkoın baǵaly valıýtaǵa aınaldy

Tesla kompanııasy aldaǵy ýa­qyt­­ta klıenttermen krıptovalıýta arqyly eseptesýdi jospar­lap otyr­ǵanyn habarlady. Osy jańa­lyq­tyń jarq etýi muń eken, bıtkoın baǵasy sharyqtap shyǵa keldi.

Bıtkoın ótken aptany 48 myń dol­larmen túıindegen edi. Bu­ǵan Mastercard pen BNY Mellon kom­panııa­larynyń habarlamalary túrtki boldy. Mastercard 2021 jy­ly krıptovalıýtamen tólem qa­byl­­daýdy bastaýǵa nıetti eke­nin ha­barl­ady. AQSh-tyń eń kóne banki – BNY Mellon sıfrly valıý­ta­lardy saqtaýǵa jáne onymen ope­­ra­sııa­lar júrgizýge arnalǵan plat­­forma­ny ázirleıtinin málim­dedi.

2021 jyly bıtkoın shamamen 70 paıyzǵa ósti. Bloomberg máli­metteri boıynsha, birneshe kún buryn bıtkoınǵa básekeles Ether krıp­tovalıýtasy da óz rekordyn jańartty. Onyń quny jyl basynan beri 150 paıyzǵa qymbattady.

Jalpy, krıptovalıýtalardyń ekinshi «ǵumyry» koronavırýs­pen birge bastaldy. Biraq negizgi ósim jyldyń ekinshi jartysynda tirkeldi. Birneshe aıdyń ishinde bıtkoın baǵasy tórt ese, ıaǵnı 10 myń dollardan 40 myń dollarǵa deıin ósti.

Buǵan deıin eń joǵarǵy baǵa 2017 jyldyń sońynda tir­kelgen bolatyn – 20 myń dol­lar. Keıin bıtkoın bul bıi­ginen quldyraı bastady. Al jańa jyl bastalǵaly beri onyń baǵamy 30 myń dollardan kem túsken emes.

Sarapshylardyń boljamynsha, bıtkoın baǵasy odan ári óse bermek. Buǵan qajetti alǵy­shart­tar jetkilikti.