Densaýlyq saqtaý salasyndaǵy 32 jyldyq tájirıbesi bar shymkenttik terapevt Qazaqstan Respýblıkasynyń úzdik densaýlyq saqtaý mamandary kitabyna engen.
Aqmaral Joldasbekova - «terapııa» mamandyǵy boıynsha joǵary biliktik sanaty bar maman. Alǵash qyzmetin aımaqtyq dáriger retinde bastaǵan. 1996 jyldan beri №2 qalalyq aýrýhanasynda aımaqtyq terapevt dárigeri, jalpy tájirıbeli dáriger, aımaqtyq terapııa bóliminiń meńgerýshisi qyzmetterin atqarǵan. Búgingi tańda emhana qyzmetine jaýapty meńgerýshi qyzmetin abyroımen atqarýda.
Aqmaral Amangeldiqyzy elimizde koronavırýsty ınfeksııanyń órshigen tusynda alǵy shepte júrgen birden-bir maman. Densaýlyq saqtaý isiniń úzdigi. Birneshe ret oblystyq densaýlyq saqtaý basqarmasy basshysynyń jáne aýrýhana bas dárigeriniń qurmet gramotalarymen marapattalǵan. 2020 jyly Shymkent qalasy ákiminiń alǵys hatymen marapattalǵan.