Keshe Nıderlandtyń Rotterdam qalasynda osy jyly Tokıoda alaýy tutanýǵa tıis Olımpııa oıyndary baǵdarlamasyndaǵy vaterpolshylar týrnıriniń jerebesi tartyldy, dep habarlaıdy Egemen.kz.
Soǵan sáıkes Qazaqstannyń erler quramasy V tobynda óner kórsetetin boldy. Qarsylastarymyz – Aýstralııa, Horvatııa, Serbııa, Ispanııa jáne Chernogorııanyń sý doby sheberleri. О́zderińiz baıqasańyzdar, bul komandalar arasynda osaly joq. Barlyǵy da asa iri halyqaralyq jarystarda jeńis tuǵyryna kóterilip júrgen myqty ári tájirıbeli quramalar. A tobynda Ońtústik Afrıka Respýblıkasy, AQSh, Majarstan, Grekııa, Japonııa jáne Italııa vaterpolshylary ózara kúsh synasady.
Al áıelder saıysyna qatysatyn komandalar mynadaı topqa bólindi: A toby – Aýstralııa, Ońtústik Afrıka Respýblıkasy, Nıderland, Ispanııa jáne Kanada. V toby – Reseı, Qytaı, Majarstan, AQSh jáne Japonııa.