Búginde sottalǵandardyń azyq-túlik, kıim-keshek, kitap satyp alý múmkindigi bar. Bul týraly Ishki ister mınıstrliginiń baspasóz qyzmeti ótkizgen onlaın brıfıngte aıtyldy, dep habarlaıdy Egemen.kz.
О́tken aptada QR IIM basshysy Erlan Turǵymbaev senatorlarmen birge eldiń penıtensıarlyq júıesin damytý máselesin talqylaǵan bolatyn.
«Erlan Turǵymbaev qylmystyq-atqarý júıesin damytý, qamaýda ustaý oryndarynyń ınfraqurylymyn jańǵyrtý, sottalǵandardy jumysqa ornalastyrý, olarǵa medısınalyq qyzmet kórsetý, sondaı-aq mekemelerdi beınebaqylaýmen jaraqtandyrý týraly baıandady», deıdi QR IIM resmı ókili Nurdildá Oraz.
Onyń aıtýynsha, vedomstvo basshysy qabyldanyp jatqan sharalar sottalǵandardy ustaýdy aıtarlyqtaı jaqsartatynyn jáne jazalardy oryndaý júıesin izgilendirý úshin quqyqtyq jaǵdaılardy qamtamasyz etetinin atap ótken.
«Búginde sottalǵandardyń azyq-túlik, kıim-keshek, kitap satyp alý múmkindigi bar. Áleýmettik paıdaly baılanystardy qoldaý úshin sottalǵandardyń týystarymen beınesóılesý engiziledi. Sálemdemelerdiń salmaǵy, sondaı-aq tamaqtaný normalary artty», dedi Ishki ister mınıstri Erlan Turǵymbaev talqylaý barysynda.