Áleýmettik jeli alaıaqtarǵa qulashty keńge sermeýine múmkindik berip otyrǵanyn moıyndaýymyz kerek. Oǵan kún saıyn dálel tabylyp jatyr. Mysaly, 20 aqpan kúni Qyzylorda qalalyq Polısııa basqarmasyna 1988 jyly týǵan Shyǵys Qazaqstan oblysynyń turǵyny aryzdanǵan.
Ol aryzynda ótken jyldyń qarasha aıynda ınstagramm áleýmettik jelisindegi paraqsha arqyly «qundyz ton men altyn buıymdar satamyn» degp jarnama bergen Qyzylorda qalasynyń turǵynyna aldanǵanyn málimdegen. Jarnama berýshi shalǵaıdaǵy ShQO turǵynynyń 1 078 000 teńgesin osylaısha qaǵyp alǵan.
Polısııa qyzmetkerleri barlyq qajetti jedel-izdestirý is-sharalaryn júrgizip, oblys ortalyǵynyń 1996 jyly týǵan turǵyny ustaldy. Kúdikti kinásin tolyqtaı moıyndady.
Qazirgi ýaqytta, atalǵan derek boıynsha Qazaqstan Respýblıkasynyń Qylmystyq kodeksiniń 190-babynyń 2-bóligi 4-tarmaǵy (Alaıaqtyq) boıynsha sotqa deıingi tergep-tekserý amaldary júrgizilýde. Kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy.