О́tken juma kúni Sarysý aýdany, Jańatas qalasynda páterden shyqqan órt saldarynan bir úıdegi bes birdeı bala kóz jumǵan bolatyn. Memleket basshysy Qasym-Jomart Toqaev qara jamylǵan Ábdimálikovter otbasyna kóńil aıtyp, tıisti kómek kórsetiletinin jetkizgen edi.
Prezıdent tapsyrmasyna sáıkes, Jańatas qalasyndaǵy órt saldarynan marqum bolǵan balalardyń ata-anasyna Jambyl oblysynyń ákimdigi tarapynan jan-jaqty materıaldyq, psıhologııalyq jáne dárigerlik qoldaý kórsetildi. Balalardy jerleý rásimin uıymdastyrýdy jergilikti atqarýshy organdar óz moınyna aldy. Sonymen qatar, balalardyń ata-anasyna demeýshiler Jańatas qalasynan 3 bólmeli páter alyp berdi.
Al Sarysý aýdanynyń kásipkerleri baspanany qajetti jıhaz ben tehnıkamen qamtyǵan.
Qoǵamdyq uıymdardyń, demeýshilerdiń uıymdastyrýymen qaraly otbasyna 3 mıllıon teńgeden astam qarjy jınalyp, materıaldyq kómek kórsetildi. Budan bólek, memlekettik qyzmetshiler bir kúndik jalaqysyn kómek retinde aýdaratyn boldy.
Jambyl oblysy