Shymkentte koronavırýs «baǵdarshamy» «jasyl aımaqty» kórsetip tur. Degenmen jaıbaraqat bolýǵa taǵy bolmaıdy. Sebebi indettiń beti áli tolyq qaıtqan joq. Endi ne isteý kerek? Ázirge indettiń aldyn alýdyń eń basty sharasy vaksına saldyrý men karantın sharalaryn saqtaý bolyp tur.
Osyǵan oraı Shymkentte karantın ýaqyty 8 naýryzǵa deıin uzartyldy. Bul týraly Shymkent qalasynyń bas memlekettik sanıtarlyq dárigeri Ábdimanap Tólebaevtyń jańa qaýlysynda aıtyldy. «Shymkent aýmaǵyndaǵy karantın men shekteý sharalary 2021 jyldyń 22 aqpan saǵat 00.00-den 2021 jyldyń 8 naýryzy saǵat 00.00-ge deıin uzartylsyn», delingen qujatta. Osy ýaqyt aralyǵynda qala turǵyndary men qonaqtaryna adamdar kóp jınalatyn is-sharalardy, onyń ishinde eske alý, týǵan kún, mereıtoı, qudalyq, toı jáne basqa da is-sharalardy ótkizýge tyıym salynady. Sondaı-aq shaharda 65 jastan asqan adamdardyń jıi júrip-turýy shekteledi. Ári turǵyndarǵa eki metrden kem emes áleýmettik qashyqtyqty saqtap, betperde taǵý mindettelgen.
Shahar «jasyl aımaqta» tur degen aty bolmasa, COVID-19 indetin juqtyrǵandar sany áli de azaıar emes. Qalada 24 qańtar men 19 aqpan aralyǵynda COVID-19 aýrýynyń 6 040 jaǵdaıy tirkelgen. Onyń 3 075-i sımptomdy bolsa, 2965-i – sımptomsyz. Jalpy 5 510 adam emdelip shyqqan. Sondaı-aq 18 aqpanda koronavırýs ınfeksııasyn juqtyrǵan 10 jaǵdaı tirkelgen. Qazirgi ýaqytta qalada naýqastardy qabyldaýǵa arnalǵan 1 060 tósektik oryn bar (juqpaly – 560, karantındik – 500). Onyń ishinde 890-y bos. Al juqpaly jáne karantındik aýrýhanalarda 170 naýqas em qabyldaýda.
Ǵalymdar elimizde salynyp jatqan Spýtnık V vaksınasynyń oń áseri, paıdasy týraly jıi aıta bastady. Jaqsy jańalyq sanasyn qorqynysh bılegen el turǵyndaryna senim men jiger berdi. Osylaısha, azamattar óz erkimen ekpe ektire bastady. Máselen, Shymkentte 19 aqpanǵa deıin koronavırýsqa qarsy Spýtnık V vaksınasynyń birinshi komponenti boıynsha erikti túrde 1 myń adamǵa ekpe salyndy. Atap aıtar bolsaq, ekpe alǵandar: bastapqy medısınalyq-sanıtarlyq kómek kórsetý uıymdarynan – 472, medısınalyq jedel járdem kórsetý mekemesinen – 94, ınfeksııalyq aýrýhanadan – 54 medısına qyzmetkeri, sondaı-aq basqa aýrýhanalardan – 298, sanıtarlyq-epıdemııalyq baqylaý qyzmetinen – 78 jáne 4 erikti qala turǵyny.
Búginde koronavırýs ınfeksııasyna qarsy ekpe egilgen azamattardyń densaýlyǵy jaqsy. Ekpeden keıin asqynýlar tirkelmegen. Alǵash ekpe alǵan 1 myń adamǵa 23 aqpannan bastap Spýtnık V vaksınasynyń ekinshi komponenti salyna bastaıdy. Shymkent qalalyq aqparattyq-kommýnıkasııalyq ortalyǵynda ótken brıfıngte qalalyq densaýlyq saqtaý basqarmasynyń basshysy Baqytjan Pozılov osylaı dep málimdedi. Baspasóz májilisinde shahardyń bas dárigeri qaladaǵy epıdemııalyq ahýal men vaksınalaý jumystary boıynsha baıandady.
«Shymkent qalasynda koronavırýsqa qarsy 1 myń doza Spýtnık V preparatynyń birinshi komponentin salý tolyq aıaqtaldy. Atalǵan ekpeni erikti túrde alǵashqy medısınalyq-sanıtarlyq kómek kórsetý uıymdary, jedel járdem kórsetý mekemeleri, ınfeksııalyq aýrýhana jáne sanıtarlyq-epıdemııalyq baqylaý qyzmetkerleri qabyldady», dedi Baqytjan Joldasbekuly. Basqarma basshysynyń aıtýynsha, ekinshi kezeńde vaksına pedagogterge salynady. Bul qyzmetkerlerge otandyq Qazcovid-In vaksınasy egiledi.
Qazirgi tańda Shymkentte epıdemııalyq jaǵdaı turaqty. Aýrýhanalarda tósektik oryn jetkilikti. Qoımalardaǵy dári-dármek qory da kóńil kónshiterlik jaǵdaıda.
ShYMKENT