Elbasy Nursultan Nazarbaev bastamashy bolǵan «Rýhanı jańǵyrý» baǵdarlamasynyń «Túrki áleminiń genezısi» arnaıy jobasy aıasynda Taraz qalasynda «Túrki halyqtarynyń rýhanı qundylyqtary jáne Qońyr Mandokı murasy» taqyrybynda halyqaralyq ǵylymı-tanymdyq onlaın-konferensııa ótti.
Atalǵan sharany Jambyl oblystyq tarıhı-ólketaný mýzeıi men Majar-Qazaq «Barsz» qory uıymdastyrdy.
Jıynǵa beınebaılanys rejimi arqyly oblys ákiminiń orynbasary Erjan Jylqybaev qatysyp, Ishtvan Qońyr Mandokıdiń taǵylymdy ómirine toqtaldy. Ǵalymnyń murasy túbi bir túrki halyqtarynyń ortaq qundylyǵy ekenin jetkizdi. Sondaı-aq, oblystyq mádenıet, arhıvter jáne qujattama basqarmasy basshysynyń orynbasary Sara Mádıeva Taraz tórinde ótip otyrǵan konferensııanyń mańyzdylyǵyna toqtalyp, bul shara el Táýelsizdiginiń 30 jyldyǵy qarsańynda qolǵa alynǵan iri jobalardyń biri ekenin aıtty. Sonymen qatar, jıyn barysynda Qazaqstan Respýblıkasynyń Majarstandaǵy Tótenshe jáne ókiletti elshisi Jánibek Jarasqanuly, Majar-Qazaq «Barsz» qorynyń prezıdenti Andrash Gal, túrkolog ǵalym, etnograf Kara Davıd Shomfaı, «Qazaq dıasporasynyń» tóraıymy Ońaısha Mandokı sóz sóıledi.
Jalpy, atalǵan halyqaralyq konferensııada ǵalymdar Qońyr Mandokı shyǵarmashylyǵyna baılanysty baıandamalar jasady. Ǵalymnyń mol murasy jóninde áńgimeledi. Al jıynǵa moderatorlyq etken M.H.Dýlatı atyndaǵy Taraz óńirlik ýnıversıtetiniń dosenti, fılologııa ǵylymdarynyń kandıdaty Temirbaı Muqashev konferensııany qorytyndylap, qatysýshylarǵa alǵys aıtty. «Konferensııanyń negizgi maqsaty – Ishtvan Qońyr Mandokıdiń baı rýhanı murasyn nasıhattaý jáne elimizde zerttelýine serpin berý. Sonymen qatar Mandokı zamanyndaǵy Uly dala órkenıeti men tulǵalary týraly qazirgi ýaqyttaǵy sońǵy zertteýlerdi ǵylymı aınalymǵa engizý, nasıhattaý», deıdi oblystyq tarıhı-ólketaný mýzeıiniń dırektory Seıitjan Ilııas.
Jambyl oblysy