Qala ákiminiń orynbasary E. Babaqumarov medısınalyq uıymdardyń qadaǵalaýshy keńesteriniń tóraǵalarymen jáne bas dárigerlermen korporatıvti basqarý jáne menedjment deńgeıin kóterý máseleleri boıynsha keńes ótkizdi, dep habarlaıdy Egemen.kz.
Otyrysta ótken jyldyń qorytyndylary shyǵaryldy, sondaı-aq Almatydaǵy 63 medısınalyq uıymdarda qurylǵan qadaǵalaýshy keńester qyzmetiniń kúshti jáne osal jaqtary qaraldy.
Erjan Babaqumarov birqatar baǵyttar boıynsha qadaǵalaýshy keńesterdiń jumysyn kúsheıtý ári sapasyn arttyrý qajettigin tapsyrdy. Bul menedjmenttiń ashyqtyǵyn, ishki qadaǵalaýdy jáne táýekelderdi basqarýdy jaqsartady.
Qadaǵalaýshy keńesterdiń mindeti - medısınalyq uıymdardyń qarjylyq-sharýashylyq qyzmetiniń tıimdiligi men sapasyn arttyrý. Osyǵan baılanysty strategııalyq josparlaý, bıýdjetteý jáne shyǵyn júıeleriniń joǵary deńgeıin qamtamasyz etýge, sondaı-aq korporatıvtik basqarý qaǵıdattaryn keńeıtýge erekshe nazar aýdarý qajet.
Qadaǵalaýshy keńesteriniń jumysyn jaqsartý jáne yntalandyrý úshin qala ákiminiń orynbasary E. Babaqumarov olardyń korporatıvti basqarýǵa qosqan úlesterin der kezinde baǵalaýdy tapsyrdy.