Memleket basshysynyń «Halyq únine qulaq asatyn memleket» tujyrymdamasyn iske asyrý maqsatynda Memlekettik qyzmet isteri agenttiginiń oblystyq departamenti oblys ákimdigimen birlese otyryp, «Basshylar baılanysta» jobasyn bastady.
Joba aıasynda memlekettik qyzmetterdi kórsetýshi mekeme basshylarynyń turǵyndarǵa qyzmet kórsetý kúnderi uıymdastyrylyp, jeke qabyldaýlar ótkiziledi.
Jobanyń alǵashqy «Qyzmet kórsetý kúni» sharasy departament basshysy, Ádep jónindegi keńes tóraǵasy Rafhat Bısenovtiń, oblystyq densaýlyq saqtaý basqarmasynyń basshysy Sábıt Pazylovtyń jáne «Azamattarǵa arnalǵan úkimet» memlekettik korporasııasy oblystyq fılıalynyń dırektory Aıdyn Qaırýllaevtyń qatysýymen ótkizildi.
Halyqqa qyzmet kórsetý ortalyǵynda ótken shara barysynda turǵyndardyń basym bóligi densaýlyq saqtaý salasyna qatysty máselelerdi kóterdi. Sonymen qatar, azamattar memlekettik kórsetiletin qyzmetterdiń sapasy men merzimderi týraly suraqtaryn qoıyp, usynys-pikirlerin bildirdi.
Departament basshysy R.Bısenov pen densaýlyq saqtaý basqarmasynyń basshysy S.Pazylov osyndaı qabyldaýlardy aldaǵy ýaqytta medısınalyq uıymdarda ótkizýge ýaǵdalasty.
«Basshylar baılanysta» jobasy sheńberinde jyl kóleminde aımaqtaǵy memlekettik qyzmetterdi kórsetýshi 20 mekeme basshysynyń qatysýymen osyndaı shara uıymdastyrylady.