Jaqynda mánerlep syrǵanaýdan Qazaqstan kýboginiń kezeńi aıaqtaldy. Komandanyń bas bapkeri Quralaı Úzirova halyqaralyq arenada el namysyn qorǵaıtyn sportshylar jaıynda aıtty, dep habarlaıdy Egemen.kz Ulttyq olımpıada komıtetiniń baspasóz qyzmetine silteme jasap.
«Erler arasynda jekeleı syn boıynsha el namysyn Mıhaıl Shaıdarov qorǵaıtyn bolady. Bul sportshy sońǵy eki maýsymda aıtarlyqtaı deńgeıin kóterdi. Búginde Qazaqstan chempıony, eńbekqor, tórttik sekirýdi óte jaqsy oryndap, baǵdarlamasyna qosyp júrgen talantty sportshy.
Al áıelder arasyndaǵy jekeleı saıys boıynsha Iаsmın Tekık Qazaqstan sapynan shyǵady. Marııa Grechanaıa jasóspirimder qatarynda óner kórsetedi. Ol kúrdeli kaskadtar men kóp aınalymdy sekirýlerdi jaqsy oryndaıdy. Ekeýiniń de jyldamdyǵy joǵary, eńbekqor. Qos qyzymyz da jaqynda Bolgarııada 28 aqpan men 3 naýryz kúnderi Bolgarııada ótetin "Sophya Trophy" jarysynda baq synaıdy. Álem chempıonatyna qatysý úshin bárin jasaıdy.
Quramada Maksın Vezersbı men Temirlan Erjanov álem chempıonatyna qatysý úshin tıisti upaıdy enshiledi.
22 aqpannan bastap AQSh-ta álem chempıonaty aldyndaǵy sońǵy daıyndyqtaryn pysyqtaıdy. О́kinishke qaraı, jasóspirimderden Sofııa Lýkınskaıa men Danıl Pak pandemııaǵa baılanysty halyqaralyq jarystarǵa qatysqan joq. Dese de, jospardan tys reseılik jarystarda sátti óner kórsetip júrdi», deıdi bas bapker.