Kezdesýde Nursultan Nazarbaev táýelsizdik alǵannan beri memleket árdaıym óner salasynyń damýyna erekshe mán berip kele jatqanyn atap ótti, dep habarlaıdy Egemen.kz.
– Sizdiń kınoındýstrııadaǵy tájirıbeńiz mol, halyqtyń yqylasyna bólendińiz. Fılmderińizben túrli kınofestıvalderge qatysyp júrsiz. «Anaǵa aparar jol», «Tomırıs» jáne basqa da týyndylaryńyzdy kórermen jyly qabyldady. Qazir sizge úlken jaýapkershilik júktelip otyr. Aldaǵy jumysyńyzǵa tabys tileımin, – dedi Elbasy.
Áńgime barysynda A.Sataev Nursultan Nazarbaevqa kórkem fılmder túsirý josparlary men otandyq kınonyń sapasyn arttyrý boıynsha qabyldanǵan sharalar týraly baıandady.