Astanada Ulttyq sport túrleri qaýymdastyǵynyń uıymdastyrýymen «Altyn tuǵyr» nomınasııasy boıynsha marapattaý rásimi ótti. Bul týraly www.egemen.kz tilshisi habarlady.
Bul nomınasııa boıynsha ulttyq sport túrimen aınalysatyn 26 adam marapattaldy. Onda eń úzdik kókpar shabýylshysy ataǵy Dáýletbek Ombaevqa berilse, kókpardyń jekpe-jek sheberi dep Qulajan Toǵaıbaev tanyldy. Sondaı-aq, Samat Málimbaev kókpardyń jas sańlaǵy, Kúntýǵan Toqtybaı úzdik búrkitshi ataǵyna ıe boldy. Rásimde qyz qýý, teńge ilý, aýdaryspaq, asyq atý, qazaq kúresiniń álem jáne Azııa chempıondary, «Eýrazııa barysy» halyqaralyq týrnıriniń jeńimpazdary da marapattaldy.
Osydan keıin qaýymdastyq qazaq halqynyń salt-dástúrlerin nasıhattap, ulttyq sporttyń damýyna eńbek etip júrgen azamattarǵa «Elimjan» tósbelgisi tabys etildi. Bul tósbelgige jýrnalıster de ıe boldy.
Dastan KENJALIN.
Derekkóz: http://ulttyqsport.kz/