Mańǵystaý oblysy boıynsha QAJ Departamentiniń GM-172/10 mekemesinde – Aqtaý qalasynyń tergeý ızolıatorynda jazasyn óteýshi oqshaýlanǵan aımaqtaǵy sottalǵandarǵa arnalǵan psıhologııalyq turǵyda semınar jınalys ótkizildi, dep habarlaıdy Egemen.kz
Semınar jınalysqa GM-172/10 mekemesi bastyǵynyń orynbasary ádilet podpolkovnıgi Esbolat Aglepesovıch Sýzakbaev tóraǵalyq etti.
Sonymen qosa Aqtaý qalasy ákimdiginiń «Aqtaý qalalyq qoǵamdyq damý ortalyǵynyń» din máseleleri boıynsha teolog mamany Jánibek Ryzaǵalıuly Qurbanov pen «Aqnıet» aqparattyq-nasıhattaý jáne ońaltý ortalyǵynyń teolog mamany Tynyshtyqov Aslanbek Saǵynaıuly shaqyrtyldy.
GM-172/10 mekemesiniń arnaıy kontıngentter arasynda áleýmettik psıhologoııalyq tárbıe jumysy bóliminiń ınspektor psıhology ádilet aǵa leıtenanty Tokjan Jıembaeva óziniń daıyndaǵan vıdeo-rolıkterin kórsetti.
Ári qaraı Aqtaý qalasy ákimdiginiń «Aqtaý qalalyq qoǵamdyq damý ortalyǵynyń» din máseleleri boıynsha teolog mamany Jánibek Ryzaǵalıuly Qurbanov sottalǵandarǵa sýısıd taqyrybynda túsindirý jumystaryn júrgizdi atap aıtqanda, «Sýısıd» latyn tilinen alynǵan «О́zin ózi óltirý, ózine qol salý» degen maǵynany bildiredi. Bul áreket kóp jaǵdaıda esi durys adamnyń minez-qulqynyń buzylý formasynyń eń shegi bolyp tabylady. Osyndaı máseleniń bizdiń elimizde de problemalyq másele bolyp turǵanyn sózge tıek etti. Máselen sýısıd boıynsha elemiz álemde 9-shy orynda turǵanyn aıtyp mundaı jaǵdaılarǵa barmaı barynsha sabyrly bolýǵa shaqyrdy.
«Aqnıet» aqparattyq-nasıhattaý jáne ońaltý ortalyǵynyń teolog mamany A.Tynyshtyqov sottalǵandarǵa jiger beretin Quran aıattarynan, hadısterden mysal keltirip, qanatty sózderimen sýısıdti boldyrmaý barsha musylmanǵa mindet jáne sharıǵat turǵysynda óte úlken kúná ekenin túsindirdi.
Sóz sońynda GM-172/10 mekemesi bastyǵynyń orynbasary ádilet podpolkovnıgi E.Sýzakbaev semınarǵa qatysqandarǵa alǵysyn bildirip, osyndaı is-sharalar aldaǵy ýaqytta jazasyn óteýshi sottalǵandarǵa turaqty túrde ótkiziletindigin aıtty.