Bolgarııanyń bas shahary – Sofııada bokstan dástúrli Strandja týrnıri jalǵasýda. Jarysty ekinshi kúni Qazaqstannyń taǵy birneshe bylǵary qolǵap sheberi óz ónerlerin ortaǵa saldy, dep habarlaıdy Egemen.kz
Kúndizgi baǵdarlamada úsh jerlesimiz sharshy alańǵa shyqty. 75 kılo salmaqtaǵy Nadejda Rıabestiń ózbekstandyq Mavlıýda Mavlonovadan mereıi ústem bolsa, 57 kılo salmaqtaǵy Beıbarys Jeksen túrkııalyq Batýhan Kıftchıdi qapy qaldyrdy. О́kinishke qaraı, 69 kılo salmaqtaǵy Samatáli Tóltaev О́zbekstannyń ókili Asadhýja Mıýdınhýdjaevtan jeńilip qaldy.
Al keshki baǵdarlamada óner kórsetken alty jerlesimizdiń beseýi óz básekelerinde basymdyq tanytty. Olar – Angelına Lýkas (51 kılo), Beıbarys Jeksen (57 kılo), Nurqanat Raıys (75 kılo), Baýyrjan Baıgonshekov (81 kılo) jáne Saǵyndyq Toǵambaı (91 kılo). Sol keshte tek Qýan Qýatovtyń (69 kılo) ǵana joly bolmady. Ol ýkraınalyq Evgenıı Barabonovqa ese jiberdi.
Keshe ekinshi aınalymdaǵy básekekeler bastaldy. Bizdiń eki arýymyz rıngke kóterilip, Vladıslava Kýhta (75 kılo) jeńiske jetse, Nazym Qyzaıbaı (51 kılo) úndistandyq boksshyǵa jol berdi.