Qurylys erejeleri 2003 jyldan bastap birneshe ret ózgergen. Buǵan ne sebep boldy? Ortalyq kommýnkıasııalar qyzmetinde ótken brıfıng barysynda jýrnalıster spıkerlerge osyndaı saýal joldady. QR Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Erkebulan Daýylbaev zańnamaǵa ózgertýler ony jetildirý maqsatynda jáne zaman talabyna saı engiziletinin jetkizdi.
«Qurylys assosıasııalary, qurylysshylar bar, basqa da qaýymdastyqtar, jergilikti atqarýshy organdar atynan tıisti usynymdar engizilgende zańdy jetildirý boıynsha tıisti ózgerister engiziledi. Turǵyn úıler qurylys erejeleri men sanıtarlyq normalarǵa saı salynyp jatyr. Aldymen qurylystyń jobalyq smetalyq qujattamasy ázirlenedi. Sodan keıin ol mindetti túrde saraptamadan ótkiziledi. JSQ bekitilgennen keıin ǵana qarjy bólinip, qurylys jumystary júzege asyrylady», - dedi E.Daýylbaev óz jaýabynda.
Bul rette QR Indýstrııa jáne ınfraqurylymdyq damý mınıstrliginiń ókili qurylys erejelerin buzý jaǵdaılaryn tehnıkalyq qadaǵalaýshylar, jergilikti jerlerdegi tapsyrys berýshiler men memlekettik baqylaý qyzmetteri baqylaıtynyn atap ótti.