Qaraǵandy oblysynyń Shet aýdanynda jedel járdem kóligi avtojolda qar qursaýynda qalyp qoıdy. Dárigerler aýyldan qalaǵa ınfarkt alǵan er adam men bosaný merzimi jetken júkti áıeldi alyp kele jatqan, dep habarlaıdy Egemen.kz
25 aqpanda Shet aýdanynda jedel járdem kóliginiń qar qursaýynda qalyp qoıǵany týraly habarlama kelip tústi. Oqıǵa ornyna qutqarýshylar shyqty.
«Qyzylqoı aýylyna qarasty «Almaty-Ekaterınbýrg» tasjolynda qar qursaýynda turyp qalǵan jedel járdem kóligi men jeńil avtokólikten 9 adam qutqaryldy. Qaraǵandy oblysynyń TJD jáne Apattar medısınasy ortalyǵynyń kúshimen qutqarylǵan adamdar, onyń ishinde eki naýqas: ınfarkti bar er adam jáne júkti áıel Qaraǵandy qalasyna jol talǵamaıtyn kólikpen jetkizildi», dep málimdedi Qaraǵandy oblystyq TJD baspasóz qyzmetinde.