Qazaqstan Birikken Ulttar Uıymynyń maqsattary men mindetterin ustanady, sondaı-aq Antonıo Gýterrıshtiń BUU-nyń Bas hatshysy laýazymyna saılanýyn quptaıdy dep atap ótti senator.
Júzdesýshiler Birikken Ulttar Uıymynyń Ornyqty damý maqsattarynyń tusaýkeserine daıyndyq máselelerin talqylady. Is-shara 22 qarashada Senatta ótedi. Depýtat keń aýqymdy eldik baǵdarlamany iske asyrýǵa parlamentshilerdiń nazaryn aýdarýda bul sharanyń ózekti ekenin atap ótti.
D.Nazarbaeva N.Shımomýrany «100 naqty qadam» Ult josparynyń negizgi aspektileri týraly habardar etti jáne osy baǵdarlamanyń tabysty júzege asyrylýy Birikken Ulttar Uıymynyń Ornyqty damý maqsattaryna qol jetkizý úshin ulttyq resýrstardy jumyldyrýǵa yqpal etetinine senim bildirdi, dep habarlady Qazaqstan Respýblıkasy Parlamenti Senatynyń baspasóz qyzmeti.