Saıram turǵyn alabyndaǵy №3 qalalyq aýrýhanaǵa jańa kompıýterlik tomografııa apparaty ornatyldy. Jańa qondyrǵyny alý úshin jergilikti bıýdjetten 160 mln qarjy bólingen.
Saıramdaǵy turǵyndar endi KT apparatyna túsý úshin ortalyq aýrýhanaǵa kelip sabylmaıtyn boldy. Medısınalyq uıymǵa ornatylǵan qondyrǵy arqyly dárigerler aýyr jaǵdaıda jedel járdemmen jetkiziletin naýqastardy dıagnostıkalyq tekserýden ótkizip, emdeý jumystaryn júrgizedi. Sondaı-aq, medısına mamandary KT-ny qoldana otyryp azamattardy josparly tekserýden ótkizbek.
Aıta keteıik, №3 qalalyq aýrýhana kóp salaly bolǵandyqtan munda 56 oryndyq perzenthana bar. Medısınalyq uıymda balalar, hırýrgııa, terapııa, nevrologııa, reananımasııa syndy bólimsheler jumys isteıdi. Bıyl naýryz aıynda aýrýhanada neırohırýrgııa bólimin ashý josparlanýda.