Almaty oblysynda kolonııa aýmaǵyna tyıym salynǵan zattardy kirgizbek bolǵan kásipker ustaldy, dep habarlaıdy Egemen.kz Polisia.kz saıtyna silteme jasap.
Almaty oblysynyń LA-155/14 mekemesine atalǵan kolonııanyń aýmaǵynda jumys isteıtin jeke kásipker tyıym salynǵan zattardy alyp ótýge tyrysqan.
Mekeme aýmaǵynda ornalasqan, sottalǵandarǵa jumys oryndaryn usynatyn kásiporynǵa arnalǵan qurylys materıaldaryn jetkizý kezinde kásipker aǵashtardyń arasynda tyıym salynǵan zattardy tyǵyp alyp, olardy mekeme aýmaǵynda sottalǵandardyń paıdalanýy úshin ótkizbek boldy.
Alaıda, rejım bóliminiń tekserý tobynyń jedel ýákili Azat Sydyqovtyń qyraǵylyǵynyń arqasynda jáne “Lornet” qurylǵysynyń kómegimen mekemege 32 uıaly telefon, 30 qýattaý qurylǵysy men 16 qulaqqapty kirgizý dereginiń joly kesildi.
– Atalǵan fakt boıynsha mekemege prosessýaldyq sheshim qabyldaý úshin Qapshaǵaı qalasynyń jedel-tergeý toby shaqyryldy, – dep atap ótti mekeme bastyǵy Rýslan Ǵabıbov.