Jańa jyldan tek jaqsylyq kútetin jurtshylyq mereke jaqyndaǵan saıyn oǵan daıyndyǵyn da údete túsedi. Bul merekeniń, ásirese, balalar úshin orny erekshe. Osy turǵyda búldirshinderdiń qýanyshtaryn eseleı túsýde qazaq baspasóziniń qara shańyraǵy «Egemen Qazaqstan» gazeti redaksııasy da shet qalmady. Keshe ujym qyzmetkerleriniń balalaryna arnalǵan Jańa jyldyq shyrsha merekesi olardyń kóńilderin kókke kóterdi.
Jańa jyldan tek jaqsylyq kútetin jurtshylyq mereke jaqyndaǵan saıyn oǵan daıyndyǵyn da údete túsedi. Bul merekeniń, ásirese, balalar úshin orny erekshe. Osy turǵyda búldirshinderdiń qýanyshtaryn eseleı túsýde qazaq baspasóziniń qara shańyraǵy «Egemen Qazaqstan» gazeti redaksııasy da shet qalmady. Keshe ujym qyzmetkerleriniń balalaryna arnalǵan Jańa jyldyq shyrsha merekesi olardyń kóńilderin kókke kóterdi.
«Eń baıandy baqyt – bala baqyty. Dúnıede balanyń qýanǵanynan artyq qýanysh bolmaıdy. Sondyqtan da búgingi shara senderge arnalady. Oınańdar, bıleńder, kúlińder, botaqandar!» dedi jasyl shyrsha mańaıyna jınalǵandar aldynda «Egemen Qazaqstan» gazetiniń basshysy Saýytbek Abdrahmanov.
Aıaz Ata men Qarshaqyzben birge shyrshany shyr kóbelek aınalǵan baldyrǵandar án, taqpaq aıtyp, olardan syılyqtar alyp, máz bolysty. Sondaı-aq, balalarymen kelgen ata-analar qýanyshynda da shek bolmady. «Búgingi ótkizilip jatqan jasyl shyrsha shynynda da balalardy erekshe kóńil-kúıge bóleýde. Ujymnyń qaı kezde de balalardy aıalaýǵa zor mańyz beretini bizdi de qýantady. Men osymen bul shyrshaǵa jetinshi jyl kelip otyrmyn», deıdi «Egemen Qazaqstannyń» kelini, úsh balanyń anasy Zúlfııa Ásembaeva.
Merekelik shara sońynda balalar ujymnyń daıyndaǵan baǵaly syılyqtaryn alyp, arnaıy daıyndalǵan dastarqannan dám tatty.
Ábdirahman QYDYRBEK,
«Egemen Qazaqstan».