Kóktem áýenderi kóńil kóteredi

Atap aıtsaq, 5 jáne 9 naýryz saǵat 19.00-de «Piccolo» kame­ra­lyq teatry jobasy aıasyn­da tyńdarman nazaryna Dj.Rossınıdiń «Jibek saty» opera-farsy usynylady. Bas keıipker Djýlııanyń beınesinde birinshi kúni Qazaqstannyń eńbek sińirgen qaıratkeri Saltanat Ahme­tova óner kórsetse, ekinshi kúni osy partııada Ásem Sembına debıýt jasaıdy. Dorvıl – Qazaqstannyń eń­bek sińirgen qaıratkeri Jan Ta­pın, Djermano – Qazaqstannyń eń­bek sińirgen qaıratkeri Azamat Jyltyr­kózov, Blanzak – Evgenıı Chaı­nıkov jáne taǵy da basqa talantty ártister izdenisi kórerme­nine kóterińki kóńil kúı syı­laı­­dy dep kútilýde. «Astana Ope­ra» kameralyq orkestri dırı­jer Rýslan Baımýrzınniń jetek­shi­ligi­men óner kórsetedi.

Al 10 naýryz kúni teatrdyń Már­már zalynda «Barokko qudireti» konserti ótedi. Kórermender Qa­zaq­­stannyń eńbek sińirgen qaı­rat­k­eri Abzal Muhıtdınniń je­tek­­shiligindegi «Astana Ope­ra» ka­meralyq orkestriniń súıe­mel­­deýimen teatrdyń jetekshi so­lısi, Bashqurtstannyń eń­bek si­ńir­­gen ártisi, soprano Al­fııa Ka­rımovamen birge asqaq barok­ko­nyń arǵy dáýirine mýzykalyq saıa­hat jasaıdy. Has sheber ártis­terdiń ózindik ınterpretasııasyn­da G.F.Gendeldiń «Messııa» kan­­tatasynan arııa, «Almıra» ope­­rasynan Almıranyń arııa­sy, «Alsına» operasynan Mor­gananyń arııa­sy, «Ǵajaıyp Qu­daıynan alysta» kan­tatasynan «Tol­qyny qatty teńizdegi keme» arııasy shyrqalady. Sondaı-aq, kesh baǵdarlamasyna I.S.Bahtyń «Magnıfıkat» shyǵarmasynan arııa, A.Vıvaldıdiń «Baıazet» operasynan Irenanyń arııasy men «Grızelda» operasynan Konstansanyń arııasy endi.

14 naýryzda «FORTE-TRIO sha­qy­rady» toptamasynan kame­ralyq mýzyka keshi ótedi. Qazaqstan Respýblıkasynyń FORTE-TRIO memlekettik trıosynyń mýzykant­tary Lıýdvıg van Bethovenniń osy janrdaǵy eń tanymal shyǵarma­la­rynyń biri bolyp tabylatyn Forte­pıanoǵa arnalǵan trıosyn oryndaıdy. HIH ǵasyrdyń ekinshi jartysyndaǵy fran­sýz kompozıtory E.Shossonnyń fortepıanoǵa ar­nalǵan trıosy qushtar­lyqqa toly sezim syryn shertýden bas­tap úmit úzilgen qaıǵyly sátterge deıingi adam kúızelisiniń keń aýqy­myn pash etedi.

Sonymen qatar 19 jáne 20 naý­ryz kúnderi  G.Donısettıdiń «Don Paskýale» komedııalyq operasy kórer­menin qýantady. Eń tanymal ıtalııalyq opera­lardyń biriniń qoıylymy «Piccolo» kame­ralyq teatry jobasy aıasynda iske asyryldy. G.Donısettıdiń mýzykalyq jaýharynda barlyǵy – ystyq mahabbat ta, jasandylyq ta, qatań oıyn men oryndy qylyq ta, túrli kıim aýystyrylatyn kúlkili ja­ǵdaılar da, kóńil qalý men ásh­kereleý de bar. Komedııalyq qoıylymda basty keıipker Norına rólin «Qurmet» ordeniniń kavaleri Aızada Qaponova men Qazaqstannyń eńbek sińirgen qaıratkeri Saltanat Ahmetova somdaıdy. 

Teatr ujymynyń Ulystyń uly kúni Áz Naýryzǵa arnap usynatyn ta­ma­sha tartýy – «Qosh keldiń, Naý­ryz!» merekelik konserti. 22 naýryz­da elordalyq teatrdyń ope­ra solısteri men orkestr ártis­teri ta­bı­ǵattyń kóktemgi jańa­rýy, qaı­ta tú­leýi men dostyq mereke­si­ne arnalǵan ta­masha óner baǵ­dar­­lamasyn kórermen nazaryna usynady. Mazmundy keshte otan­dyq kompozıtorlardyń arııalary, ánderi, romanstary, aspaptarǵa arnalǵan shyǵarmalary, sonymen qatar qonaqjaı qazaq dalasynda bir shańyraq astynda beıbitshilik pen kelisimde ómir súrip jatqan etnostardyń mýzykalyq dástúrleri keńinen kórsetiletin bolady.

Al 25 naýryz kúni saǵat 19.00-de Qazaq­stan Kompozıtorlar odaǵy «Naýryz shashý!» konsertin ótkize­di. Keshte E.Rah­madıev, Ǵ.Juba­nova, K.Dúıse­keev, B.Ky­dyrbek, A.Raıym­qulova, S.Áb­di­nurov, G.О́zen­baeva, Á.Ábdinurov, A.Jaıym, A.Tánı, Á.Qadyrov, N.Tańatar, L.Ju­manova, K.Izmaı­lova jáne t.b. qazaqstandyq avtor­lar­dyń kameralyq ári vokaldyq shyǵar­malary oryndalady. Ulyq­ meı­ramǵa arnalǵan keshte Qazaq­stannyń eńbek sińirgen qaırat­keri Azamat Jyltyrkózov (barı­ton), Ásem Sembına (soprano), son­daı-aq Álibı Ábdinurov, Arman Jaıym, Sabına Sherbakova, Ka­rı­na Izmaılova (fortepıano), Naz­gúl Tańatar (dombyra), Ázimhan Abdý­lazım (valtorna) bastaǵan ártister toby óner kórsetedi.

27 naýryzda «Astana Operanyń» kishkentaı kórermenderine arnalyp T.Beı­­sem­bektiń «Samuryq kel­gen tań» mýzykalyq ertegisi qazaq tilinde usyny­lady. Ertegi kıe­li Samuryq qusyn izdep shyq­qan Aıdar men Aıjannyń bas­tan kesh­ken oqıǵalaryn baıandaı­dy. Erjúrek batyrlar men olardyń senimdi dostaryn ǵajaıyp «Máńgi­lik el» kútip tur.

Kóktemniń alǵashqy aıynyń merekelik baǵdarlamalar sıklyn 28 naýryzda ótetin  «Qazaqkvartet shaqyrady» toptamasynan «Bela Bartok­ty tý etip» konserti túıin­deıdi. Ǵazıza Jubanova atyndaǵy Mem­lekettik ishekti aspaptar kvartetiniń vengr kompozıtory Bela Bartoktyń 140 jyldyǵyna arnalǵan mýzykalyq keshinde otandyq talantty mýzykanttarmen birge tanymal Reseı klarnetshisi, Bashqurtstannyń eńbek sińirgen ártisi Artýr Nazıýllın óner kórsetedi.