Buǵan deıin indet kórsetkishi boıynsha elimizdiń aýmaǵynda «qyzyl aımaqta» birneshe apta boıy jalǵyz qalǵan Pavlodar oblysy qazir «sary aımaqqa» ótti. Biraq Aqsý qalasy, Jelezın, Aqqýly, Aqtoǵaı, Sharbaqty jáne basqa da aýdandar áli de «qyzyl aımaq» qursaýynda.
О́ńirdiń «sary aımaqqa» ótýine oraı karantın sharalary jeńildetildi. Qazir Baıanaýyl, Maı jáne Tereńkól aýdandary «jasyl aımaqta» bolsa, Pavlodar, Ekibastuz qalalary men Ertis jáne Ýspen aýdandary – «sary aımaqta». Oblystyq sanıtarııalyq-epıdemıologııalyq baqylaý departamentiniń basshysy Batyrbek Álıevtiń aıtýynsha, karantındik shekteýlerge birqatar ózgeris engizildi. Departament mamandary turǵyndarǵa sanıtarlyq talapty saqtap, medısınalyq betperde kııý keregin, 65 jastan asqan adamdardyń úıde otyrýlaryn eskertýde.
– О́ńirdiń «sary aımaqqa» ótýine baılanysty karantındik shekteý sharalary jeńildetildi. Biraq naýryz aıyndaǵy mereke kúnderi turǵyndardan sanıtarlyq talaptardy saqtaýyn ótinemiz, – dedi B.Álıev óńirlik kommýnıkasııalar qyzmeti ótkizgen onlaın baspasóz-konferensııasynda.
Oblystyń bas sanıtar dárigeriniń №4 jańa qaýlysyna sáıkes, kınoteatrlar jumysyna ruqsat berilgenimen, zaldardyń tolymdylyǵy 20 paıyzdan aspaýy tıis. Osy jaǵdaıǵa baılanysty buǵan deıingi shekteý sharalary jeńildetildi. Saýda oryndary ashyldy.
– Mádenı nysandardyń qyzmetine ruqsat beriledi. Daıyndyq sharalaryna qatysatyn adamdardyń sany 30 paıyzdan aspaýy tıis. Kitaphana, mýzeılerdiń ashylýyna ruqsat berildi. Kınoteatr men teatrdaǵy kelýshiler sany 20 paıyzdan aspaýy kerek, – dedi B.Álıev.
Sonymen qatar aptanyń barlyq kúninde oblys ortalyǵyndaǵy qoǵamdyq kólikter, qalaaralyq, aýdanaralyq avtobýstar jolǵa shyǵatyn boldy. О́ńirdegi Halyqqa qyzmet kórsetý ortalyqtary, «Qazposhta» AQ bólimderi jumys kúnderi saǵat 9:00-den 18:00-ge deıin jáne senbi kúni 9:00-den 14:00-ge deıin isteıdi. Qoǵamdyq tamaqtaný oryndary barlyq kúni tańǵy saǵat 7:00-den túngi saǵat 00:00-ge deıin jumys isteıdi. Kelýshiler sany 50 paıyzdan aspaýy kerek. Muz aıdyndary, saýna, monsha qyzmeti de iske qosyldy.
Buǵan deıin oblysta 15 787 adamnan indet anyqtalsa, 14 450 naýqas jazylyp shyqqan, 107 adam kóz jumdy. Al jyl basynan beri 6 656 adam indet juqtyrǵan. О́tken táýlikte oblysta 82 adamnyń indet juqtyrǵany anyqtalsa, barlyǵy – 17 617 (+82).
О́ńirlik kommýnıkasııalar qyzmetinde ótken baspasóz máslıhatynda oblystyq bilim berý basqarmasynyń basshysy Dinıslam Bolathanulynyń málimdeýinshe, 1 naýryzdan bastap 5-9 synyp oqýshylaryna mektepke kelip sabaq oqýǵa múmkindik berildi.
– Qazir 500 baladan astam kontıngenti bar 238 qala jáne aýyl mektepteri dástúrli formatta oqytýdy bastaıdy, – deıdi D.Bolathanuly. – Árbir synypta 15 baladan artyq top jınaýǵa tyıym salynady. 19 myńnan astam oqýshy dástúrli oqýǵa kirisse, 199 mekteptegi 40 myńnan astamy oqýyn qashyqtan jalǵastyrady. Mektepten oqý úshin arnaıy anyqtamalardyń qajeti joq.
Basqarmanyń qosymsha málimetinshe, 11-synyp oqýshylary úshinshi toqsannan, al 9-synyp oqýshylary 1 naýryzdan bastap aralas oqý júıesi boıynsha bilim alýda. Sonymen qatar 1 naýryzdan bastap joǵary oqý oryndarynda bilim alatyn 2 432 1-kýrs stýdentteri dástúrli formatqa kóshiriledi. Bul stýdentterdiń 40 paıyzyn quraıdy. Qalǵan stýdentter qashyqtan oqı beredi.
Pavlodar oblysy