Qaıyrymdy da batyl jandar qurmet tórinde

Jobaǵa qatysýshylar ara­syn­­da udaıy muqtaj adam­dar­ǵa kó­­­mektesip, eko­lo­gııa­lyq má­se­­­lelerdi sheship, áleý­met­­­­­tik kásipkerlikti jú­ze­ge asy­­­ryp júrgen túrli sa­­la­da qyz­met etetin kásip­ker­ler, qo­ǵamdyq uıym ókilderi, bi­­lim berý salasynyń mamanda­ry, erekshe qajettilikteri bar adam­dar, quqyq qorǵaý organ­da­rynyń qyzmetkerleri, jýrnalıster men blogerler bar. Dástúrli túrde baıqaý jeńim­pazdarynyń esimderi bes atalym aıasynda anyqtalady: «Asar», «Týǵan jer», «Meıirim jolynda», «Batyl júrek», «Qaıyrymdylyq tarıhy». Alaıda bıyl komıssııa mú­she­leri taǵy eki nomına­sııa – «Bala júregi» jáne «Janýarǵa me­ıirim» atalymdaryn ta­ǵa­ıyndaý týraly sheshim qa­byl­da­dy.

Baıqaýdyń mańyzyn atap ótken Nursultan Nazar­baev qorynyń dırektory Darıǵa Nazarbaeva baı­qaý­ǵa qatysýǵa nıet etken meıirimdi, qa­ıy­rym­dy adam­­dar­dyń sany jyl saıyn kóbe­ıip kele jat­qanyna nazar aýdardy. Alǵashqy baıqaý uıymdas­ty­ryl­ǵannan bergi úsh jylda qatysýshylar sany jeti esege artyp, 2020 jyldyń ózinde 667 adamdy quraǵan.

– Bıylǵy «Qaıyrymdylyq kerýeni» erekshe. Koronavırýs pandemııasy, karantındik shekteýler árqaısymyzdyń ómiri­miz­ge áser etti. Búgingi sharaǵa qaty­sý­shylar arasynda osy qıyn-qystaý kezeńde óz kúshi men múmkindigin aıamaǵan jandardy erekshe atap ótkim keledi, – dedi qor dırektory.

Qor jetekshisiniń aıtýynsha, árbir oqıǵanyń artynda adam basyna túsken qaıǵy men muń, meıirimdilik pen mahabbat tur. Meıirimdilik pen yn­tymaqtastyq birlesken kezde, tótep bere almaıtyn qıyndyq bolmaq emes.

«Baıqaýǵa qatysýshylar ózge­lerge jaqsylyq jasaýdan lázzat tabatyn, ómirge qush­tar, keń júrekti jandar. Olar ózderiniń jarqyn is-áreket­te­rimen óskeleń urpaqqa úlgi bolyp qana qoı­maı, meıirimdi bolýǵa yn­talan­dyrady», dedi Darıǵa Nursultanqyzy.

Jeti atalymnyń árqaısysy boıynsha jeńimpazdar men júl­degerler anyqtaldy. Sony­men qatar júldeli oryndarǵa ıe bolmaǵan úzdik fınalıster yntalandyrý syılyǵyn ıe­lendi. Atap aıtqanda, «Asar» nomınasııasy boıynsha – qazaqstandyq jáne sheteldik qoǵam arasynda ulttyq qolóner buıymdaryn daıyndaý dástúrin tanymal etýge qosqan erekshe úlesi úshin Semeı qalasynan Abylaıhan Asylbaıǵa tapsyryldy. «Týǵan jer» nomınasııa­sy – kóp balaly otbasylarǵa kómektesken, sondaı-aq koronavırýs pandemııasy kezinde adamdardy qutqarýǵa atsalysqan (17 mln teńgege 185 О́JJ apparaty, dárilik zattar satyp alyndy, medısınalyq qyzmetkerlerdi tamaqtandyrý uıymdastyryldy) Semeı qala­synyń turǵyny Dáýren Kúl­dishevke, al «Batyl júrek» nomınasııasy – 4 jastaǵy balanyń baýyryn aýystyrýǵa donor bolǵan Qostanaı obly­synyń turǵyny Alekseı Sychýgovqa, «Meıirim jolyn­da» nomınasııasy – kóp bala­ly jáne az qamtylǵan otbasylarǵa turaqty negizde materıaldyq kómek kórsetkeni úshin (Qor 20 myńnan astam otbasyǵa kómektesti, 100 tonnadan astam azyq-túlik taratty) Nur-Sultan qalasynyń «Shapaǵat» qaıyrymdylyq qoryna berildi. Sondaı-aq Batys Qazaqstan oblysynyń «Syrym eli» qoǵamdyq-saıası gazeti «Qaıyrymdylyq tarıhy» nomınasııasy boıynsha úzdik dep tanyldy. Basylym oblys turǵyndarynyń problemalaryn jarııalap, ony sheshýge septigin tıgizedi. Gazettiń belsendi pozısııasy arqyly 13 ottegi konsentratory men dári-dármekter, eki otbasyna úı satyp alyndy. Al «Bala júregi» nomınasııasynda Batys Qazaqstan oblysynan kelgen 16 jastaǵy Dana О́tebaeva úzdik atandy. Marapat órt kezinde 3 balany qutqarýdaǵy eren erligi úshin berildi. «Janýarǵa meıirim» nomınasııasynda О́skemen qalasynan kelgen Borıs Sherbakov atap ótildi. Ol Shyǵys Qazaqstan tabı­ǵatyn dáripteýge úlken úles qosty, botanıka, faýnıstıka, ekologııa boıynsha 200-ge jýyq ǵylymı jumys pen ki­tap shyǵardy. Sheshek shat­qalynda «Mektep janyn­daǵy ekologııalyq qoryq» uıym­das­tyr­dy, onda jas natýralıster ekologııalyq praktıkadan ótip, ózde­riniń ǵylymı izdenisterin júrgize alady.

Aıta ketelik, «Qaıyrym­dylyq kerýeni» – ıgi ister jasaıtyn adamdardy anyq­taýǵa jáne yntalandyrýǵa ba­ǵyt­­talǵan joba. Jobany iske asyrýdyń úsh jylynda osyndaı 1 myńǵa jýyq qaıyrymdy adam anyqtaldy.