Kúni keshe Kásibı tennısshiler qaýymdastyǵy (ATP) men Halyqaralyq áıelder tennısi qaýymdastyǵy (WTA) sportshylardyń álemdik reıtıngin jańartty. Erler arasyndaǵy Qazaqstannyń birinshi raketkasy Aleksandr Býblık óziniń jeke rekordyn ornatty.
Atap aıtar bolsaq, Sıngapýrde ótken halyqaralyq týrnırdiń fınalynda qarsylasyna ese jiberse de, reıtıngte qajetti upaıyna qol jetkizgen Býblık álemdik reıtıngte eki saty joǵarylap, 43-orynǵa jaıǵasty. Osylaısha 23 jastaǵy otandasymyz ATP reıtıngindegi jeke rekordyn jańartty. Buǵan deıingi onyń eń úzdik nátıjesi 45-oryn bolatyn. О́kinishke qaraı, Mıhaıl Kýkýshkın 94-orynnan 96-satyǵa, Dmıtrıı Popko úsh saty tómendep, 183-orynǵa syrǵydy. Jýyrda ǵana Aýstralııa ashyq chempıonatynda top jarǵan serbııalyq Novak Djokovıch reıtıngte birinshi orynda keledi.
Áıelder arasyndaǵy Qazaqstannyń birinshi raketkasy Elena Rybakına burynǵy 23-ornyn saqtap qalǵan. Sonymen qatar Iýlııa Pýtınseva da 28-ornyn eshkimge bergen joq. Al Zarına Dıas bir orynǵa tómen syrǵyp, 85-orynǵa turaqtady. Álemdik reıtıngte aýstralııalyq Eshlı Bartı kósh bastap tur.