Statcounter Global Stats málimetteri boıynsha 2021 jyly qańtar aıynda álemdegi eń tanymal áleýmettik jeli Facebook boldy, onyń úlesi 69,8% qurady. Odan keıin Pinterest (11,9%), Twitter (9,5%), YouTube (4,9%) jáne Instagram (2,6%) tur, dep habarlaıdy Egemen.kz ranking.kz saıtyna silteme jasap.
Qazaqstanda Pinterest áleýmettik jelisi birinshi orynǵa jaıǵasqan, onyń úlesi 32,7%. Eń kóp qoldanylatyn TOP-5 áleýmettik jeliniń qataryna YouTube (20,4%), «VKontakte» (14,9%), Facebook (13,5%) jáne Twitter (11,3%) endi.
2021 jyldyń qańtarynda elde baılanys qyzmeti ótken jyldyń qańtarymen salystyrǵanda 1,7% qymbattady. Onyń ishinde ınternetke qosylý úshin abonenttik tólem 2,1%, kabeldi teledıdar qyzmetteri 2,4%, uıaly baılanys qyzmetteriniń baǵasy 1,5%-ke ósti.