Semeıde «jedel járdem» aýrýhanasy, Zyrıanda 80 páterlik úı berildi
Jańa jyl qarsańynda Semeı qalasynda oblys ákimi Berdibek Saparbaev saltanatty jaǵdaıda quny 10 mıllıard teńge turatyn «jedel járdem» aýrýhanasyn ashty.
Semeıde «jedel járdem» aýrýhanasy, Zyrıanda 80 páterlik úı berildi
Jańa jyl qarsańynda Semeı qalasynda oblys ákimi Berdibek Saparbaev saltanatty jaǵdaıda quny 10 mıllıard teńge turatyn «jedel járdem» aýrýhanasyn ashty.
Oǵan Densaýlyq saqtaý vıse-mınıstri Erik Baıjúnisov qatysty. Bul – «100 mektep, 100 aýrýhana» baǵdarlamasy boıynsha júzege asqan iri joba. «Qýanyshpen barlyq semeılikterdi quttyqtaımyn, aldaǵy ýaqytta Semeıde onkologııalyq dıspanser, balalarǵa arnalǵan týberkýlezge qarsy emdeıtin emhana salynady, demek, Semeıde «medısınalyq klaster birinshi bolyp júzege asady, – dedi jıynda óńir basshysy. 325 tósektik emhananyń qural-jabdyqtaryna ǵana 2 mıllıard 800 mıllıon teńge jumsalypty.
Jańa jyl qarsańynda Zyrıan qalasynda «Qoljetimdi baspana – 2020» baǵdarlamasy boıynsha 80 páterlik turǵyn úı paıdalanýǵa berildi. Aýdan ákimi Ermak Sálimov senbi kúni bul páterlerdiń kiltin jastarǵa, ardagerlerge, dárigerler men ustazdarǵa tabys etip, keler jyly taǵy da turǵyn úı salynatynynan habardar etti.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.