Densaýlyq saqtaý mınıstrligi 2014 jyly Ekinshi dúnıejúzilik jáne aýǵan soǵysy ardagerlerine arnalǵan qosymsha gospıtal ashýdy josparlap otyr, dep habarlaıdy Densaýlyq saqtaý mınıstrliginiń baspasóz qyzmeti.
Densaýlyq saqtaý mınıstrligi 2014 jyly Ekinshi dúnıejúzilik jáne aýǵan soǵysy ardagerlerine arnalǵan qosymsha gospıtal ashýdy josparlap otyr, dep habarlaıdy Densaýlyq saqtaý mınıstrliginiń baspasóz qyzmeti.
Emdeý mekemesi Almatydaǵy Ishki ister mınıstrliginiń gospıtali bazasynda ardagerler men solarǵa teńestirilgen tulǵalar úshin 90 tósek-orynǵa shaqtalyp ashylady. Jańa emdeý mekemesinde sýmen jáne balshyqpen, elektrmen jáne jaryqpen emdeý, balneoterapııa júzege asyp, emdik deneshynyqtyrý sııaqty kómek kórsetiledi.
2010 jyly Otan soǵysy múgedekterine arnalǵan respýblıkalyq klınıkalyq gospıtaldiń ýaqytsha jabylyp qalǵany belgili. Bul oraıda jańadan ashylatyn gospıtal Almatynyń Kamenskoe plato aýdanynda ornalasqan klınıkalyq gospıtaldiń joǵarǵy qabatynyń qurylysy aıaqtalǵansha tósek-orynǵa qajettilikti jappaq.
Jalpy, «Salamatty Qazaqstan» memlekettik baǵdarlamasynyń negizgi mindetteriniń biri medısınalyq ońaltý jáne pallıatıvtik kómek júıesin jetildirý bolyp tabylady. Elimizde ardagerlerge stasıonarlyq medısınalyq kómek eki arnaýly respýblıkalyq gospıtalde kórsetiledi. Onyń biri Almatyda 90 orynǵa, Astanada 80 orynǵa arnalǵan emdeý mekemeleri. 8 óńirde oblystyq jáne qalalyq aýrýhanalar janynda 325 tósekke laıyqtalǵan arnaýly bólimsheler uıymdastyrylǵan. Aýdandyq, qalalyq, oblystyq jáne iri kópbeıindi aýrýhanalarda arnaýly palatalar qarastyrylǵan.
Densaýlyq saqtaý mınıstrliginiń baspasóz qyzmeti aǵymdaǵy jyly respýblıka stasıonarlarynda 1897 múgedek jáne Ekinshi dúnıejúzilik soǵys ardageriniń, 3163 aýǵan soǵysynyń ardageriniń, Semeı ıadrolyq polıgonynan zardap shekken 50 700 adam men Chernobyl AES apatyn joıýǵa qatysqan 19000 adamnyń emdelip shyqqanyn da habarlap otyr.
«Egemen-aqparat».