Jańa jyl qarsańynda Semeıdegi Qazaqstan Innovasııalyq ýnıversıtetinde Qarakereı Qabanbaı atyndaǵy «Batyrlyq murajaıy» saltanatty jaǵdaıda ashyldy. Bul ózi ıgilikti sharýa boldy. Onyń basy-qasynda júrgen azamattar buǵan deıin Astananyń túbinde boı kótergen qazaq ǵaskeri bas qolbasshysynyń sáýletti kúmbezin turǵyzýǵa atsalysqan edi. Al odan keıingi jerde atalǵan joǵary oqý ornynda aty ańyzǵa aınalǵan batyrǵa arnalǵan respýblıkalyq deńgeıdegi mańyzdy konferensııa ótkizilgen bolatyn.
Jańa jyl qarsańynda Semeıdegi Qazaqstan Innovasııalyq ýnıversıtetinde Qarakereı Qabanbaı atyndaǵy «Batyrlyq murajaıy» saltanatty jaǵdaıda ashyldy. Bul ózi ıgilikti sharýa boldy. Onyń basy-qasynda júrgen azamattar buǵan deıin Astananyń túbinde boı kótergen qazaq ǵaskeri bas qolbasshysynyń sáýletti kúmbezin turǵyzýǵa atsalysqan edi. Al odan keıingi jerde atalǵan joǵary oqý ornynda aty ańyzǵa aınalǵan batyrǵa arnalǵan respýblıkalyq deńgeıdegi mańyzdy konferensııa ótkizilgen bolatyn.
Endi mine, sondaı ıgi sharýanyń sońy osylaısha túıindelip otyr. Sonyń bárine ýnıversıtet prezıdenti, professor Nádirbek Ápsálemovtiń uıytqy bolyp otyrǵanyn aıta ketkenimiz jón bolar. Shyndyǵynda mamandyǵy jóninen ekonomıst ǵalymnyń tarıhqa den qoıýy qýantady.
Birneshe bólimnen turatyn batyrlar murajaıynda elimizdiń qatparly tarıhy keńinen qamtylǵan. Onda el esinde máńgige saqtalyp qalǵan ótken zamannyń batyrlarymen birge, keıingi qaharmandarymyz týraly derekter te barshylyq. Sol sebepten de bul murajaıdyń jas urpaqqa beretin tárbıelik mańyzy zor dep bilemiz. Jalpy ult bolyp uıysa túsýimiz úshin qurǵaq sózden góri osyndaı naqty ister kóp bolǵanǵa ne jetsin!
Dáýlet SEISENULY,
jýrnalıst.
SEMEI.