Atyraýda teris dinı aǵymǵa erýdiń ókinishi týraly spektakl qoıyldy
Munaıly óńirde teris jolǵa túsip, ókinishke urynǵan jastar az emes. Solardyń birazy isti boldy. Endi jastardy osyndaı ókinishke uryndyratyn aǵymdardan qalaı saqtandyrý qajet? Osy saýal barshany alańdatary daýsyz. Mahambet atyndaǵy qazaq drama teatrynyń dırektory Asylbek Yqsanovtyń rejısserligimen qoıylǵan «Haq joly» dep atalatyn spektakl kóptiń kókeıindegi osy saýaldyń kiltin ashty deýge bolady.
Atyraýda teris dinı aǵymǵa erýdiń ókinishi týraly spektakl qoıyldy
Munaıly óńirde teris jolǵa túsip, ókinishke urynǵan jastar az emes. Solardyń birazy isti boldy. Endi jastardy osyndaı ókinishke uryndyratyn aǵymdardan qalaı saqtandyrý qajet? Osy saýal barshany alańdatary daýsyz. Mahambet atyndaǵy qazaq drama teatrynyń dırektory Asylbek Yqsanovtyń rejısserligimen qoıylǵan «Haq joly» dep atalatyn spektakl kóptiń kókeıindegi osy saýaldyń kiltin ashty deýge bolady.
Munda musylman elderiniń birine dinı oqýǵa baryp, radıkaldy aǵymnyń qarmaǵyna túsken qazaq jigitiniń ókinishi arqaý etilgen. Qandasymyzdyń ómirlik kózqarasy ózgerip, tipti otbasynan, ata-atasynan bas tartady. О́zi ósken ortanyń, ómirge ákelip, mápelegen ata-anasynyń amandyǵyn bilýge jaramaıdy. Jat aǵymnyń jetegine ergen qazaqtyń beıkúná balasy túrmege túsedi. Perzentiniń ókinishke uryndyrǵan taǵdyry anasynyń júregine zil batpan júk túsiredi. Ábjylannan balapanyn qorǵaǵan qarlyǵashtaı shyryldaǵan anasy qusalyqtan ómirden ótedi. Arada birneshe jyl ótkende ǵana óziniń qateligin túsingen jas jigittiń ókinishten ózegi órtenedi.
– Bul spektakldiń maqsaty – jastarǵa oı salý. Ekstremıstik toptar qyz-jigitterdiń sanasyn ýlap, jat áreketterge ıtermelep, memlekettiń qaýipsizdigine qater tóndirip tur. Bizdiń ujym eldi, jalpy jastardy osyndaı qaýipten saqtandyrýdy, olarmen kúresýge úndeýdi kózdedi, – deıdi eki bólimnen turatyn dramalyq týyndynyń rejısseri Asylbek Yqsanov.
Endi aldaǵy kúnderi teatr ujymy bul týyndyny óńir aýdandary men kórshi oblystar jurtshylyǵyna usynýdy kózdep otyr.
Joldasbek ShО́PEǴUL,
«Egemen Qazaqstan».
Atyraý oblysy.