Jańa jyldan bastap temir jol bıletiniń baǵasy 7 paıyzǵa qymbattaıdy. Bul týraly «Astana» telearnasy habarlady.
Sońǵy jeti jyl ishinde temir jol aqysy 75 paıyzǵa qymbattapty. Endi joǵarydaǵy habardy estigender aldyn ala bılet satyp alǵan kórinedi. Al jańa jyldan bastap «Astana-Almaty» baǵytyna jolǵa shyqqandar 448 teńgeni artyq tóleıdi. «Astana-Qaraǵandy» men «Astana-Petropavl» jolaýshylar poıyzynyń bılet quny da 182 teńgege ósti.
«Reseıdiń tájirıbesinen úlgi alsaq artyqtyq etpes edi. Onda temirjol arqyly iske asatyn birqatar jobalardy qazyna qarjylandyrady. Tarıftiń ósýi otandyq taýar óndirýshilerdiń básekege qabilettiligine keri áser etýde. Osyǵan oraı, qoldaýǵa demeý bolatyn usynys ázirlep jatyrmyz», - deıdi «Qazaqstandyq taýar óndirýshiler jáne eksporttaýshylar odaǵynyń» prezıdenti Nıkolaı Rodostoves.
Byltyr "Qazaqstan temir jolynyń" enshiles kompanııasy " Jolaýshylar tasymaly" jol aqyny alpys paıyzǵa arttyramyz degen bolatyn. Artynan quzyrly oryn bul kórsetkishti 13 paıyzǵa túsirtti. Al bıylǵy qymbatshylyqqa janarmaı, jaryq, sý baǵasynyń ósýi sebep bolypty. Vagon jóndeý jumystaryna da biraz shyǵyn ketetin kórinedi.
Baqytbek Keneshuly.
Derekkóz: «Astana» telearnasy
Foto: goodfon. ru