Jambyl oblysynyń ákimi Kárim Kókirekbaev Jańa jyldyń qarsańynda aımaqtyń jyl kóleminde erekshe eńbekterimen kózge túsip, oqyrman yqylasyna bólengen úzdik jýrnalısterine marapat tapsyrdy. Bul týraly oblys ákiminiń baspasóz qyzmeti habarlady.
«Jýrnalıster arasyndaǵy shyǵarmashylyq konkýrs jyl saıyn ótedi. Arnaıy nomınasııalar boıynsha jeńimpazdardy komıssııa tańdaıdy, onyń quramyna elimizge tanymal qoǵam qaıratkerleri, jazýshylar men BAQ ókilderi kiredi», - delingen habarlamada.
«Oblystyń áleýmettik-ekonomıkalyq tynys-tirshiligin respýblıkalyq deńgeıde belsendi kórsetip, nasıhattaǵany úshin» nomınasııasy boıynsha «Qazaqstan» ulttyq telearnasynyń menshikti tilshisi Ǵanı Qalmahan, QazTAG aqparat agenttiginiń menshikti tilshisi Vıktorııa Saveleva, «Aport» telekompanııasynyń prodıýseri Elena Gorıacheva marapattaldy.
«Úzdik pýblısıstıkalyq materıal» atalymyna oblystyq «Aq jol» gazetiniń tilshisi Janat Qapalbaeva ıe bolsa, «Úzdik taldamalyq materıal» nomınasııasyna oblystyq «Araı» jastar gazetiniń tilshisi Hamıt Esamanov ıe boldy. Al «Úzdik teleradıo habary» nomınasııasynda oblystyq «Qazaqstan-Taraz» telearnasynyń tilshisi Gúlnur Qulanbaeva, «Úzdik aqparattyq habarlama» nomınasııasynda oblystyq «Znamıa trýda» gazetiniń tilshisi Mıhaıl Tıo, «Úzdik ocherk» nomınasııasynda oblystyq «Znamıa trýda» gazetiniń bólim meńgerýshisi Darhan Baıtýov, «Úzdik foto materıal» nomınasııasynda respýblıkalyq «Vremıa» gazetiniń menshikti fototilshisi Olga Shýkına júldelerge qol jetkizdi.
Murat Aıtqoja.
Derekkóz: Jambyl oblysy ákiminiń baspasóz qyzmeti.