Qyrǵyzstan Prezıdentiniń elimizge jasaǵan memlekettik saparynyń sońynda Qasym-Jomart Toqaev pen Sadyr Japarov «Astana» halyqaralyq qarjy ortalyǵyn aralap kórdi, dep habarlaıdy Egemen.kz.
Memleket basshylary AHQO-nyń Halyqaralyq soty jáne Arbıtraj ortalyǵynyń, Qarjylyq qyzmet kórsetý jumysyn retteý jónindegi komıtettiń, Islam qarjysy men bıznesi jónindegi habtyń, Jasyl qarjylar ortalyǵynyń jumysymen tanysty.
Sonymen qatar eki el prezıdentterine Ekspat ortalyǵynyń, AHQO bırjasynyń, Úzdiksiz kásibı damý bıýrosy men Qarjy tehnologııasy habynyń qyzmetteri týraly málimet berildi.
Qasym-Jomart Toqaev pen Sadyr Japarovqa Qarjy ortalyǵynyń birqatar ázirlemeleri, atap aıtqanda, e-Justice elektrondy sot tóreliginiń júıesi men TABYS mobıldi qosymshasy tanystyryldy.
Is-shara sońynda «Astana» halyqaralyq qarjy ortalyǵynyń basqarýshysy Qaırat Kelimbetov keleshekte AHQO-nyń fılıalyn Bishkekte, al Qyrǵyzstannyń Investısııa tartý jónindegi agenttiginiń ókildigin Qarjy ortalyǵynda ashýdy usyndy.