Elordanyń sol jaǵalaýynda turaqta turǵan «Mazda» markaly avtomobıl órtendi. Bul týraly Egemen.kz Nur-Sultan qalalyq tótenshe jaǵdaılar departamentine silteme jasap habarlaıdy.
«Búgin saǵat 15:50-de Nur-Sultan qalalyq tótenshe jaǵdaılar departamentiniń quramynda 5 maman men 1 tehnıka bar órt sóndirý bólimshesi Esil aýdanynyna, Máńgilik el dańǵyly 18-úıdiń janyndaǵy shaqyrtýǵa bardy. Oqıǵa ornyna jetken kezde kólik turaǵynda turǵan «Mazda» markaly avtomobıldiń órtenip jatqany anyqtaldy. О́rt saǵat 16:03-te sóndirildi. Qaza tapqandar men zardap shekkender joq», delingen habarlamada.
Atalǵan departament qazirgi ýaqytta órttiń neden shyqqanyn anyqtap jatyr.