Búgin oblys ákimi Gúlshara Ábdiqalyqova halyqaralyq Araldy qutqarý qorynyń elimizdegi atqarýshy dıreksııasy dırektory Bolat Beknııazben kezdesti. Kezdesýde Araldy qutqarý qorynyń Aral óńiriniń áleýmettik jáne ekologııalyq problemalaryn sheshýge baǵyttalǵan jobalary men baǵdarlamalary sóz boldy, dep habarlaıdy Egemen.kz
– «Syrdarııa ózeniniń arnasyn retteý jáne Aral teńiziniń soltústik bóligin saqtaý» (SARATS-1) jobasynyń birinshi fazasyn bastaýǵa halyqaralyq Araldy qutqarý qorynyń róli erekshe boldy. Qazir «О́ńirlik damytý jáne Aral teńiziniń soltústik bóligin qalpyna keltirý» jobasynyń tehnıka ekonomıkalyq negizdemesin ázirleý úshin daıyndyq jumystary júrgizilýde. Sonyń ishinde, Soltústik Aral teńiziniń aýmaǵyn ulǵaıtý komponenti óńir turǵyndary úshin óte mańyzdy. Soltústik Aral teńiziniń aýmaǵyn ulǵaıtýdyń bir nemese eki deńgeıli nusqalary boıynsha túpkilikti sheshim qabyldanǵan joq. Sondyqtan, jobanyń tehnıka ekonomıkalyq negizdemesin ázirleý barysynda jan-jaqty qaraýǵa, ekologııalyq jáne ekonomıkalyq jaǵynyn tıimdi jobanyń iske asyrylýyna atsalysýdy suraımyz, – dedi oblys ákimi.
Sonymen qatar kezdesýde Bolat Beknııaz qor tarapynan atqarylǵan jumystar týraly aıtyp ótti.
Búgingi kúnge deıin qor tarapynan Aral teńizin qutqarý jáne saqtaý boıynsha halyqaralyq jáne jergilikti deńgeıde kóp degen kezdesýler uıymdastyrylyp, jobalar júzege asyrylýda. «Barsakelmes» memlekettik tabıǵı qoryǵymen, túrli ǵylymı zertteý ınstıtýttarymen birlesken jumystar júrgizilýde.
Qazirgi ýaqytta qordyń oblystaǵy fılıaly Qambash kóliniń jaǵalaýynda ornalasqan «Aral» ǵylymı-týrıstik, Kókaral túbeginiń ońtústik bóligindegi, bıosferany qorǵaý ortalyqtarynda ańshylyq sharýashylyǵy boıynsha jumys atqarýda.
– Aral teńizi basseıniniń negizgi ózenderi – Ámýdarııa jáne Syrdarııa boıynsha ekologııalyq sý jiberýlerge qaldyq qaǵıdatty paıdalana otyryp, Aral teńizin burynǵy shekaralarǵa qaıtarý múmkin emes. Teńizdi toltyrý úshin oǵan jylyna keminde 60 mlrd tekshe metr sý kelýin qamtamasyz etý qajet, sondyqtan sýarmaly jerlerde sý tutynýdy azaıtý, keıbir sý qoımalaryn bosatý qajet bolýy múmkin. Qazaqstanda kólemi 27 mlrd tekshe metr bolatyn Soltústik Aral teńizi saqtaldy, osy kezeńde úlken Aral teńizine shamamen 40 mlrd tekshe metr sý quıyldy, – dedi Bolat Beknııaz.
Munymen qosa jıynda Aral óńirinde sheshimin tabýdy qajet etetin kóptegen ekologııalyq problemalarǵa baılanysty qordy Almatydan Qyzylorda qalasyna kóshirý máselesi qozǵaldy.
Jıyn sońynda Bolat Beknııaz aımaq basshysyna uıymdastyrylǵan kezdesý úshin alǵys aıtyp, aldaǵy ýaqytta da birlesip jumys atqaratynyn jetkizdi.