Memlekettik tilde ázirlengen zań jobasy

Aıda Balaevanyń aıtýynsha, ázirlengen zań jobasy – bul barlyq múddeli taraptar, sonyń ishinde sarapshylar, zańgerler, quqyq qorǵaýshylar, qoǵam qaıratkerleri kiretin jumys toby músheleriniń ujymdyq eńbegi.

Sondaı-aq ol zań jobasyn ázirleý kezinde qoǵam ókil­deri­niń qaǵıdattyq ustanym­dary tolyq eskerilgenin atap ótti. Zań jobasyna sáıkes qo­ǵam­dyq baqylaýdy júzege asy­­ratyn tulǵalar toby aıtar­lyqtaı keńeıtilip, olar­dyń ishine Qazaqstan Respýblı­ka­sy­nyń azamattary men kom­mer­sııalyq emes uıymdar kirdi.

Sonymen qatar qoǵam ókilderiniń usynystary bo­ıynsha qoǵamdyq baqy­laý obektileriniń tizbesine bıýdjet qarajatyn alatyn zańdy tulǵalar engen bolatyn. Zań jobasynda qoǵamdyq baqylaýdyń birqatar mańyzdy qaǵı­dasy bekitilgen, olar­dyń ishinde alýan túrli nysandar, adamnyń jáne azamattyń konstıtýsııalyq quqyqtaryn, bostandyqtary men zańdy múddelerin saqtaý, jarııa­lylyq, ashyqtyq, qoǵamdyq baqy­laý­dy júzege asyrýdyń zańdylyǵy qam­tylady.

Zań jobasyn talqylaý barysynda Qazaqstannyń Adam quqyqtary jónindegi ýákili Elvıra Ázimova zań jo­basynyń azamattyq qoǵam úshin mańyzdylyǵyn jáne qoǵamdyq baqylaýdy zańnamalyq retteý qajettiligin aıtty.

Zań jobasyn ázirleýshi­ler­diń sózine qaraǵanda, atal­ǵan zań jobasynyń erekshe­ligi – ol mem­lekettik tilde ázir­lenýinde. Zańdy ázirleýge L.N.Gýmılev atyn­daǵy EUÝ Quqyq jáne salystyrmaly quqyqtaný ǴZI dırektory, zań ǵylymdarynyń kandıdaty Qazybek Dáýitálıev belsendi qatysýda.

О́z sózinde Q.Dáýitálıev: «Zań jobasy qoǵamdyq baqy­laý­dy júzege asyrýdyń negiz­derin qamtıdy jáne qoǵam ókilderine qoǵamdyq baqy­laýdy júzege asyrýǵa qatysýy úshin barlyq jaǵdaı jasaıdy», dedi.

О́z kezeginde, Parlament Máji­lisiniń depýtaty Erlan Saırov zań jobasynyń sapaly ázirlengenin jetkizdi. Sondaı-aq depýtat zań jo­basy Parlament Májilisi qabyr­ǵasynda qoǵam ókilderiniń qaty­sýymen belsendi túrde talqy­la­natynyna senimin bildirdi.

Talqylaý barysynda bel­gili sarapshylar men aza­mat­tyq qoǵam ókilderi Aıgúl Soloveva, Záýresh Bat­talova, Rahym Oshaqbaev, Serik Berkamalov, Evgenıı Jov­tıs jáne basqalar sóz sóı­ledi. Is-shara sońynda mınıstr kezdesýdiń barlyq qaty­sý­shysyna zań joba­syn ázirleýge belsendi qatys­qandary úshin alǵysyn bildirdi.