Shyǵysqazaqstandyqtardyń koronavırýs ınfeksııasyna eti ábden úırengen sııaqty. Indet túbegeıli joıylyp ketpese de, áý bastaǵydaı alańdap júrgender joqtyń qasy. Maska taqqanymen, antıseptık sepkenimen, avtobýstarda, qoǵamdyq oryndarda ıin tiresken jurt. Al oblysta Covid-19 ınfeksııasyna qarsy ekpe ekinshi kezeńmen kele bastady.
Shyǵys Qazaqstan oblysyna alǵash jetkizilgen «Spýtnık-V» vaksınasy О́skemen men Semeı qalalaryndaǵy «qyzyl aımaqta» jumys istep júrgen dárigerlerge, medbıkelerge jáne tazalyqshylarǵa salynǵan edi. Qazirgi tańda olardyń jaǵdaıy jaqsy, revaksınasııadan ótip jatyr. Máselen, Semeı qalasyndaǵy №1 emhananada 225 medısına qyzmetkeri ekpe saldyrsa, olardyń 118-i ekinshi qaıtara alǵyzyp úlgirdi. Vaksınanyń tártibi solaı, 21 kúnnen keıin ekinshi ret egiledi.
– «Spýtnık-V» vaksınasyn alǵandardyń eshqaısysynan bógde reaksııa baıqalǵan joq. Buıryqta kórsetilgendeı, aldymen vaksınany naýqastarmen etene jaqyn jumys isteıtin medısına qyzmetkerleri aldy. Qazir báriniń densaýlyǵy jaqsy. Olarǵa ekinshi qaıtara egip jatyrmyz. Endigi kelgen ekpeler muǵalimderge, polısııa qyzmetkerlerine, memlekettik qyzmettegi azamattarǵa salynady, – dedi Semeı qalalyq №1 emhanasy bas dárigeriniń orynbasary Gúlnara Esenjanqyzy.
Oblystyq Densaýlyq saqtaý basqarmasy mamandarynyń málimetinshe, ekinshi kezeńmen kelgen vaksına da dárigerlerge salynady. Bir qyzyǵy, ekpe alýǵa bylaıǵy jurttyń asa qulqy joq. Sózderine qarasaq, senimsizdik basym.
– Ekpe salmasaq, aýrý juǵa qoıady dep oılamaımyn. Onyń ústine koronavırýs ınfeksııasy bizdiń oblysta azaıyp keledi. Al qan plazmasyn tapsyrý durys. Plazmanyń paıdasy dáleldendi medısınada. Árıne bireýdiń ómirin qutqaryp qalý, saýapty is, – deıdi О́skemen qalasynyń turǵyny Gúlim Ádilbekova.
Shyǵys Qazaqstanda koronavırýs ınfeksııasy azaıdy degenmen, sońǵy táýlikte 49 adamnan indet anyqtalǵan. Onyń 33-i Semeıden shyqsa, 9-y О́skemende tirkeldi. Qalǵan naýqastar Rıdder men Glýbokoe aýdanynan shyqty. Medısına qyzmetkerleriniń pikirinshe, aýrýdy aýyzdyqtaýdyń birden-bir joly – vaksına men sanıtarlyq talaptardy saqtaý. Alaıda oblystyń bas sanıtarlyq dárigeri bekitken qaýlyǵa qulaq aspaı júrgender az emes.
1 naýryzda О́skemende sanıtarlyq talaptardy buzǵan 8 jaǵdaı tirkelgen. Ásirese, azyq-túlik dúkenderinde erejeni elemeıdi. О́skemen qalasy boıynsha olarǵa 175 myń 20 teńge kóleminde aıyppul salynsa, Semeıde 510 475 teńgeniń hattamasy toltyryldy. Atap aıtsaq, azamattar saýda úılerinde, bazarlar men qoǵamdyq kólikterde maskalyq rejimdi saqtamaıdy. Al Rıdderde jumys ornynda maskasyz júrgen bir azamatqa shara qoldanyldy.