«Azamattarǵa arnalǵan úkimet» memlekettik korporasııasy QR-kod kómegimen tólemderdi júzege asyratyn memlekettik qyzmetter tizimin keńeıtkenin jarııalady. Endi qazaqstandyqtar buryn saǵattap ýaqyt alatyn qyzmetterge sanaýly sekýnd ishinde tólem jasaı alady.
QR-kod arqyly, mysaly, jer ýchaskesine aktilerdi daıyndaý jáne berý, jyljymaıtyn múlikke quqyqtardy, banktan qaryzǵa alý sharty boıynsha talaptar quqyǵyn berýdi, kondomınıým obektisin, zańdy tulǵalardy memlekettik tirkeý, sondaı-aq jer qatynastary, jyljymaıtyn jáne jyljymaly múlikter salasyndaǵy basqa da memlekettik qyzmetter úshin tólem jasaýǵa bolady.
– Pandemııa kezinde uzyn-sonar kezektiń aldyn alý kerektigin túsinemiz. Sondyqtan prosesterdi barynsha avtomattandyryp, qyzmet alýshylarǵa yńǵaıly etýge tyrysyp jatyrmyz. Memlekettik qyzmetter úshin QR-tólem jasaý jobasy birneshe aı buryn iske qosyldy jáne osy ýaqyttyń ishinde biz tıisti qurylǵyny barlyq 339 halyqqa qyzmet kórsetý ortalyǵyna ornattyq, – dedi memlekettik korporasııanyń basqarma tóraǵasynyń birinshi orynbasary Súıenish Ábdildın.
Azamattar HQO-da memlekettik qyzmetterdiń aqysyn Homebank jáne Kaspi.kz qosymshasynda QR-kod arqyly kezeksiz, qaýipsiz jáne tez tóleı alady.
Endi azamattar qandaı da bir qyzmetti alǵan kezde tólem jasaý úshin menedjerden QR quryp berýin ótinip, sosyn óziniń smartfony arqyly birneshe mınýttyń ishinde tóleı alady. Aıta ketý kerek, ár klıent úshin árbir qyzmet boıynsha jeke QR-kod jasaqtalady.
ALMATY